Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
ДУШАНБЕ, 21.06.22025. /АМИТ «Ховар»/. Раиси шаҳри Хуҷанд ғолибони олимпиадаи фаннии хонандагон ва олимпиадаҳои байналмилалиро қадршиносӣ намуд. Инчунин омӯзгорони беҳтарин ва муассисаҳои таълимии намунавӣ низ бо маблағҳои пулӣ сарфароз гардиданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хуҷанд хабар медиҳад.
Бо мақсади ҳавасмандгардонии ғолибони даври ҷумҳуривии олимпиадаҳои фаннии хонандагон аз ҳисоби буҷаи маҳаллӣ бо қарори Раиси шаҳри Хуҷанд 134 ҳазору 600 сомонӣ маблағ ҷудо гардида, ба ҳар як хонанда аз 400 то 2000 сомонӣ мукофот дода шуд.
Изҳор гардид, ки иштироки хонандагони муассисаҳои таълимии шаҳри Хуҷанд дар олимпиадаҳои байналмилалӣ тариқи онлайн ва интихобӣ сол то сол зиёд гардида истодааст.
Дар олимпиадаҳои байналмилалии фаннӣ, лоиҳавӣ, фосилавӣ дар соли таҳсили 2024-2025 — 1102 нафар хонандагони муассисаҳои таълимии шаҳр дар кишварҳои Русия, Узбекистон, Иёлоти Муттаҳидаи Америка, Малайзия, Индонезия, Арабистони Саудӣ ва Бразилия иштирок намуданд.
Инчунин аз байни 22 000 иштирокчиён аз 117 давлати дунё дар олимпиадаи байналмиллалии «STЕM» ва дар Мусобиқаи байналимллалии «Coding» хонандагони шаҳр иштирок намуда, дар натиҷа сазовори ҷойҳои ифтихорӣ гардиданд.
Дар олимпиадаи байналмиллалии Тинилинг хонандагони муассисаҳои таълимӣ сазовори 5 ҷойи ифтихорӣ гардиданд.
Дар соли таҳсили 2024-2025 дар муассисаҳои таълимии шаҳри Хуҷанд олимпиадаи фаннии хонандагон гузаронида шуд, ки дар он 18 ҳазору 309 нафар иштирок намуданд. Дар умум, дар даври шаҳрии олимпиадаи фаннии хонандагон 450 нафар сазовори ҷойҳои ифтихорӣ гардиданд. Инчунин дар даври вилоятии олимпиадаи фаннии хонандагон — 450 нафар иштирок намуда, аз он 314 нафар сазовори ҷойҳои ифтихорӣ гаштанд.
Дар даври ҷумҳуриявии олимпиадаи фаннии хонандагон 252 нафар иштирок намуда, аз он 154 нафар, аз ҷумла 15 нафар ҷойи якум, 27 нафар ҷойи дуюм ва 111 нафар ҷойи сеюм гирифтанд.
Хонандагон барои чунин ғамхорию эҳтиром ба Пешвои миллат муҳтарам Эмомалӣ Раҳмон арзи сипос намуданд.
АКС: Мақомоти иҷроияи ҳокимияти давлатии шаҳри Хуҷанд
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
