Дар шаҳри Истанбули Туркия гӯшаи миллии Тоҷикистон ташкил карда шуд
ДУШАНБЕ, 04.06.2025. /АМИТ «Ховар»/. Дар доираи таҷлили идҳои миллӣ дар Донишгоҳи Гелишими шаҳри Истанбули Ҷумҳурии Туркия бо ташаббуси Сафорати Ҷумҳурии Тоҷикистон дар Туркия ва аъзои маҳфили «Ҷавонони дар хориҷа таҳсилдошта»-и Кумитаи кор бо ҷавонон ва варзиш, гӯшаи миллии Тоҷикистон бо шукуҳи хосса ташкил гардид. Дар ин хусус ба АМИТ «Ховар» аз Кумитаи кор бо ҷавонон ва варзиш хабар доданд.
Намоишгоҳ бо мақсади муаррифии гуногунрангии фарҳангҳо ва таҳкими дӯстиву ҳамдигарфаҳмии байни миллатҳо баргузор гардид. Дар он донишҷӯёни тоҷикистонии донишгоҳҳои гуногуни Истанбул, устодон, намояндагони Сафорати Ҷумҳурии Тоҷикистон, инчунин дӯстдорони фарҳангу санъати халқҳои гуногун иштирок намуданд.
Гӯшаи миллии Тоҷикистон бо либосҳои миллию анъанавӣ, таомҳои хоси миллӣ, ашёҳои ҳунарҳои дастӣ ва асбобҳои мусиқии суннатии тоҷикӣ оро дода шуда, таваҷҷуҳи зиёди иштирокчиён ва меҳмононро ба худ ҷалб намуд. Ин намоишгоҳ барои шиносоии наздик бо фарҳанг, санъат ва расму ойинҳои миллии тоҷикон заминаи мусоид фароҳам овард.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
