Дар шаҳри Панҷакент ҷамъоварии картошкаи барвақтӣ оғоз гардид
ДУШАНБЕ, 11.06.2025 /АМИТ «Ховар»/. Кишоварзони шаҳри Панҷакент ба ҷамъоварии картошкаи барвақтӣ оғоз намуданд, ки ҳосилнокии он аз ҳар гектар ба ҳисоби миёна то 250 сентнерро ташкил медиҳад. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Панҷакент иттилоъ доданд.
Хоҷагии деҳқонии Муслим Холиқови Ҷамоати деҳоти Халифа Ҳасани шаҳри Панҷакен аввалин шуда, ҷамъоварии картошкаро оғоз намуд. Дар хоҷагӣ имсол дар майдони 19 гектар асосан картошкаи барвақтӣ шинонида шуд. Ҳосили аввалин аллакай ба бозор ба фурӯш гузошта шудааст.
Инчунин дар ин ҷамоат дигар кишоварзон наздик ба 70 гектар картошкаи барвақтӣ кишт намуда буданд. Кишоварзон нақша дорад, ки баъд аз пурра ҷамъоварӣ намудани ҳосили картошка дар ин замин сабзӣ, қаланфури булғорӣ, шалғам ва дигар зироати полезӣ кишт намоянд.
Имсол кишоварзони шаҳри Панҷакент нақша доранд, ки дар 3900 гектар картошка кишт намоянд.
АКС: Мақомоти иҷроияи ҳокимияти давлатии шаҳри Панҷакент
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
