Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид

ДУШАНБЕ, 13.06.2025. /АМИТ «Ховар»/. 12 июн басти якуми истироҳати хонандагон дар истироҳатгоҳи беруназшаҳрии «Шарора»-и ноҳияи Исмоили Сомонӣ бо фарогирии 180 нафар кӯдакон оғоз гардид. Дар ин хусус ба АМИТ «Ховар» аз шуъбаи маорифи ноҳияи Исмоили Сомонӣ хабар доданд.

Илова ба хонандагони ноҳия, ҳамзамон дар ҳар як баст ба 20 нафар аз тарбиятгирандагони Мактаб-интернати №1-и шаҳри Душанбе барои истироҳату солимгардонӣ роҳхат дода мешавад.

Дар ин истироҳатгоҳ кадрҳои омӯзгорӣ таъмин гардида, чорабиниҳои таълимию тарбиявӣ ва варзишҳои пагоҳирӯзӣ тибқи нақша, дар сатҳи баланд ташкил ва иҷро карда мешаванд.

Ҳолати санитарию эпидемологӣ, сифати мавдои хӯроворӣ ва дигар талаботи мавҷуда пайваста аз ҷониби сохторҳои назоратӣ санҷида мешаванд, то ин ки дар беҳтарин шароит наврасон давраи фароғати худро сипарӣ намоянд.

АКС: Мақомоти иҷроияи ҳокимияти давлатии ноҳияи Исмоили Сомонӣ