Дар соҳили Сирдарё барои истироҳату фароғат шароити хуб фароҳам оварда шудааст
ДУШАНБЕ, 09.06.2025. /АМИТ «Ховар»/. Барои истироҳату фароғати хуби сокинону меҳмонони шаҳри Хуҷанд дар соҳили дарёи Сир тамоми шароит фароҳам оварда шудааст. Рӯзҳои наздик ду шиногоҳи нав — яке дар назди тарабхонаи «Форел» ва дигаре дар Боғи «Ғалаба» мавриди истифода қарор хоҳанд гирифт. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Дар ҳудуди соҳил инфрасохтори муосир — майдончаҳои варзишӣ, аз ҷумла майдони волейболу мизи теннис, соябонҳо, утоқҳои ивази либос ва ҳавзҳои сунъӣ барои кӯдакон муҳайё карда шудааст. Ҳавзҳои сунъӣ барои оббозии кӯдакон бо тамоми таҷҳизоти зарурӣ муҷаҳҳаз гардонида шудааст. Таъмини бехатарии сокинону меҳмонон ва кӯдакон дар мадди назари масъулин қарор дошта, дар ин самт тадбирҳои зарурӣ андешида мешаванд.
Барои таъмини бехатарии сокинон аз ҷониби Раёсати Кумитаи ҳолатҳои фавқулода ва мудофиаи граждании вилоят дар шаҳри Хуҷанд бо техникаву таҷҳизоти муосир — заврақҳои моториву резинӣ, гидросиклҳои обӣ, киштиҳои назоратӣ ва нақлиёти махсуси наҷотдиҳӣ муҷаҳҳаз аст. Ҳамарӯза 10 нафар корманд дар навбатдорӣ қарор доранд.
АКС: Хадамоти матбуоти Раиси вилояти Суғд
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
