Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
ДУШАНБЕ, 29.06.2025 /АМИТ «Ховар»/. 30 июн, соати 18:00 дар Театри давлатии таҷрибавии тамошобинони ҷавони ба номи Муҳаммадҷон Қосимов «Аҳорун» Нахустнамоиши «Ман Таҳминаам…», ки аз рӯи достони «Шоҳнома»-и Абулқосим Фирдавсӣ ба саҳна гузошта шудааст, пешниҳод мегардад. Дар ин хусус ба АМИТ «Ховар» аз ин театр хабар доданд.
Намоишнома дар асоси яке аз сужаҳои фоҷиавии эпос — достони Рустам ва Суҳроб тартиб дода шудааст. Аммо бар хилофи ривояти анъанавӣ, таваҷҷуҳ ба қаҳрамони ҷанг набуда, балки ба зан — модар нигаронида шудааст.
Коргардони ин намоишнома Музаффар Шарифӣ буда, нақши асосиро ҳунарпеша Суруш Ловӣ, ки аз Фаронса даъват шудааст, иҷро мекунад.
Интихоби «Шоҳнома» тасодуфӣ нест. Зеро ин достон на танҳо адабиёт, балки ифтихори миллӣ ва рамзи фарҳангии Тоҷикистон аст. Он асрҳо ба шоирон, рассомон, файласуфон ва тамошобинони театр илҳом мебахшад.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон 5 декабри соли 2023 зимни суханронӣ дар Симпозиуми байналмилалии илмӣ ба ифтихори 115-солагии аллома Бобоҷон Ғафуров дастур доданд, ки «Шоҳнома»-и безаволи Абулқосим Фирдавсӣ чоп ва ба тамоми мардуми мамлакат дастрас шавад.
Бояд гуфт, ки нахустнамоиши филми «Ман Тахминаам…» дар остонаи таҷлили Рӯзи Ваҳдати миллӣ, ҷашне, ки рамзи сулҳу оромӣ ва ҳамбастагии фарҳангии мардум аст, баргузор мешавад.
АКС: Театри давлатии таҷрибавии тамошобинони ҷавон ба номи Муҳаммадҷон Қосимов «Аҳорун»
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
