Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
ДУШАНБЕ, 04.06.2025 /АМИТ «Ховар»/. 3 июн вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо собиқ Директори Бонки Олмонии рушд (KfW) дар Осиёи Марказӣ Андреас Шнайдер ва Директори навтаъини Бонк ҷаноби Петар Георгиев баргузор гардид. Дар вохӯрӣ ҷонибҳо татбиқи саривақтии лоиҳаҳои муштаракро баррасӣ намуданд. Дар ин хусус АМИТ «Ховар» бо истнод ба Вазорати рушди иқтисод ва савдо хабар медиҳад.
Дар вохӯрӣ Завқӣ Завқизода миннатдории самимии Ҳукумати Ҷумҳурии Тоҷикистонро ба KfW барои ҳамкории судманд ва саҳми арзанда дар рушди иҷтимоию иқтисодии мамлакат баён намуда, таъкид кард, ки бо шарофати сиёсати хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамкории Ҷумҳурии Тоҷикистон бо сохторҳои молиявию иқтисодии Олмон пайваста рушд намуда, ба сатҳи сифатан нав баромадаанд.
Дар рафти мулоқот ҷонибҳо лоиҳаҳои амалкунандаи муштарак дар самтҳои иқтисодию иҷтимоии кишварро баррасӣ намуда, ҷиҳати татбиқи саривақтӣ ва сифатнокӣ онҳо изҳори омодагӣ намуданд.
Завқӣ Завқизода ба Андреас Шнайдер барои роҳбарии сазовор ва саҳми арзанда дар рушди Тоҷикистон ва густариши ҳамкорӣ тули фаъолияти касбӣ изҳори миннатдорӣ намуда, ба Петар Георгиев дар иҷрои вазифаҳои нав комёбиҳо таманно намуд.
Инчунин Завқӣ Завқизода аз Бонки Олмонии рушд даъват намуд, ки дар масъалаи барқарорсозии мақоми Тоҷикистон дар рӯйхати кишварҳои шарики расмии Олмон мусоидат намояд.
Дар анҷоми мулоқот ҷонибҳо омодагии худро барои таҳкими минбаъдаи ҳамкорӣ ва пешбурди лоиҳаҳои нави рушд изҳор намуданд.
АКС: Вазорати рушди иқтисод ва савдои Ҷумҳурии Тоҷикистон
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
