Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
ДУШАНБЕ, 28.06.2025 /АМИТ «Ховар»/ – Дар доираи сиёсати иҷтимоиву иқтисодии Ҳукумати Ҷумҳурии Тоҷикистон тайи даврони соҳибистиқлолӣ ба рушди Вилояти Мухтори Кӯҳистони Бадахшон аз ҳамаи манбаъҳои маблағгузорӣ зиёда аз 25 миллиард сомонӣ равона гардидааст. Дар ин хусус имрӯз Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни суханронӣ дар мулоқот бо роҳбарон ва фаъолони вилоят иброз доштанд.
«Дар ин давра барои тараққиёти вилоят аз ҳисоби буҷети давлатӣ 7,2 миллиард сомонӣ, аз ҷумла барои дастгирии буҷети маҳаллӣ аз ҳисоби буҷети ҷумҳуриявӣ 2,9 миллиард сомонӣ ҳамчун кумаки Ҳукумати мамлакат ҷудо гардидааст, — таъкид намуданд Сарвари давлат. — Дар ин давра ба соҳаи сохтмони вилоят аз ҳамаи сарчашмаҳо 7,5 миллиард сомонӣ маблағ равона гардида, беш аз 2 ҳазору 300 иншооти иҷтимоиву иқтисодӣ бунёду азнавсозӣ карда шудааст».
Дар идома тазаккур дода шуд, ки аз соли 2008 то имрӯз Дирексияи сохтмони иншооти ҳукуматии Дастгоҳи иҷроияи Президенти мамлакат дар шаҳру ноҳияҳои вилоят 121 иншооти иҷтимоиву маъмурӣ ба маблағи 788 миллион сомонӣ бунёд ва ба истифода дода, боз 17 иншооти дигар ба маблағи беш аз 1 миллиард сомонӣ дар ҳоли сохтмон қарор доранд.
Илова бар ин, такъид гардид, ки дар давоми солҳои соҳибистиқлолӣ барои рушди соҳаҳои иқтисодиву иҷтимоии вилоят, аз ҷумла маорифу тандурустӣ, нақлиёту энергетика ва дигар бахшҳои муҳимми ҳаёти ҷомеа 40 лоиҳаи сармоягузории давлатӣ ба маблағи 4 миллиард сомонӣ амалӣ гардида, ҳоло татбиқи боз 13 лоиҳа ба маблағи умумии 5,5 миллиард сомонӣ идома дорад.
Танҳо барои сохтмон ва таҷдиди роҳҳои мошингарди дорои аҳаммияти байналмилалӣ 12 лоиҳаи сармоягузории давлатӣ ба маблағи умумии 2,3 миллиард сомонӣ татбиқ гардида, 250 километр роҳ, як нақб ва 26 пул ба истифода дода шудааст.
Президенти мамлакат Эмомалӣ Раҳмон таъкид намуданд, ки масъалаҳои баланд бардоштани сифати хизматрасонӣ, рушди инфрасохтори сайёҳӣ, сифати таълиму тарбия, ободу зебо гардондани муҳит ва сарфаю сариштакорӣ бояд зери назорати доимӣ қарор дошта бошанд.
Ба таъкиди Пешвои миллат, дар натиҷаи дастгириҳои Ҳукумати мамлакат ва заҳмати содиқонаи сокинони Вилояти Мухтори Кӯҳистони Бадахшон шаҳру ноҳияҳои он мунтазам рушд ёфта, шароити зиндагии аҳолӣ нисбат ба солҳои пеш хеле беҳтар гардидааст..
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
