Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
ДУШАНБЕ, 28.06.2025 /АМИТ «Ховар»/ – Имрӯз Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни суханронӣ дар мулоқот бо роҳбарон ва фаъолони Вилояти Мухтори Кӯҳистони Бадахшон таъкид намуданд, ки бо мақсади таъмини пешрафти шаҳру ноҳияҳои вилоят амалисозии 9 барномаи рушди иҷтимоиву иқтисодӣ барои солҳои 2021–2025 идома дорад.
Барномаҳо ба самтҳои муҳими иқтисодиву иҷтимоӣ равона гардида, татбиқи онҳо заминаи устувор барои беҳтар гардидани сатҳи зиндагии сокинон фароҳам меорад.
Тибқи иттилои пешниҳодшуда, аз 869 лоиҳаи дорои аҳаммияти иқтисодиву иҷтимоӣ, ки дар доираи барномаҳо ба нақша гирифта шудаанд, то имрӯз 442 лоиҳа ба маблағи беш аз 5,7 миллиард сомонӣ амалӣ гардидааст. Дар маҷмӯъ, ҳаҷми умумии сармоягузорӣ ба ин лоиҳаҳо 7,3 миллиард сомонӣ пешбинӣ шудааст.
«Танҳо аз ҳисоби буҷети давлатӣ, дар доираи иҷрои барномаҳои вилоятӣ, то соли 2025 маблағи 1,1 миллиард сомонӣ аз худ карда шудааст, ки 75 фоизи нақшаро ташкил медиҳад», — изҳор намуданд Пешвои миллат.
Президенти мамлакат таъкид намуданд, ки роҳбарияти Вилояти Мухтори Кӯҳистони Бадахшон ва шаҳру ноҳияҳои он вазифадоранд, ки дар ҳамкорӣ бо вазорату идораҳо ва соҳибкорону сармоягузорон ҷиҳати сари вақт амалӣ гардонидани нақшаву барномаҳои қабулшуда чораҷӯйӣ намоянд.
Сарвари давлат ҳамчунин тазаккур доданд, ки дар таҳия ва қабули барномаҳои рушди иҷтимоиву иқтисодӣ барои солҳои оянда бояд ба масъалаҳои таъсиси ҷойҳои кории нав, саноатикунонии босуръат ва истеҳсоли молҳои дорои арзиши баланди иловашуда таваҷҷуҳи аввалиндараҷа дода шавад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
