Гулҳои мавсимии парваришнамудаи корхонаи «Шаҳри зебои мо» кӯчаю хиёбонҳои Норакро ороиш медиҳанд
ДУШАНБЕ, 19.06.2025. /АМИТ «Ховар»/. Ҷаъмияти дорои масъулияти маҳдуди «Шаҳри зебои мо» дар шаҳри Норак дар 12,23 гектар гармхона бунёд намудааст, ки дар он барои зебоии кӯчаву хиёбон, боғу гулгаштҳо ва саҳни бинои идораву ташкилот гулҳои мавсимӣ парвариш карда мешаванд. Як қисми ин гармхона барои парвариши сабзавот ҷудо гардидааст. Дар ин хусус ба АМИТ «Ховар» аз хадамоти матбуоти Раиси вилояти Хатлон иттилоъ доданд.
Дар марҳилаи аввали фаъолияти гармхона корҳои таҷдид дар 1 гектар пурра анҷом ёфтааст. Кишоварзон аллакай дар ин ҷо ба нигоҳубини гулҳои мавсимӣ оғоз намудаанд. Дар 2 гектари дигар корҳои навсозӣ дар арафаи анҷомёбӣ қарор дошта, то моҳи сентябри соли равон ба истифода дода мешавад.
Ҳамчунин дар шаҳри Норак Ҷаъмияти дорои масъулияти маҳдуди «Боғи анор» дар 124 гектар фаъолият мекунад, ки дар он беш аз 10 навъи анор парвариш меёбад.
Айни замон дар 11 гектар бо сабаби хушкшавии ниҳолҳо корҳои азнавбарқароркунӣ ҷараён доранд. Кишоварзон барои ба даст овардани ҳосили фаровон тадбирҳои агротехникӣ, аз ҷумла тоза кардани қаторҳоро амалӣ намуданд.
Дар шаҳри Нораки вилояти Хатлон 207 гектар боғи анор мавҷуд аст, ки аз он 131 гектар ҳосилдеҳ буда, боқимонда боғҳои кӯҳна ва навбунёд мебошанд. Оғози ҷамъоварии ҳосили анор аз 5 октябр оғоз шуда, то 10 ноябр идома меёбад. Дар баробари таъмини бозори истеъмолӣ бо анори ватанӣ, инчунин он ба содирот нигаронида шудааст.
АКС: Хадамоти матбуоти Раиси вилояти Хатлон
Дар хоҷагии деҳқонии «Боғи Сомон»-и шаҳри Турсунзода мавсими тайёр кардани мавиз оғоз гардид
Рақамикунонӣ — омили муҳими рушди бехатарии озуқаворӣ дар сарҳад ва нақлиёт
Ширкати «Жонгшан»-и Чин дар Тоҷикистон ҳавзҳои муосири моҳидорӣ бунёд менамояд
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
Ҷиҳати пешгирии таъсири хавфҳои эҳтимолӣ ба иқтисодиёти миллӣ ҷаласа баргузор гардид
«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
Татбиқи ташаббусҳои глобалии Тоҷикистон оид ба ҳифзи пиряхҳо ва криосфера дар Душанбе баррасӣ шуд
Имрӯз парвози мустақим дар хатсайри Душанбе–Минск оғоз гардид
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
