Густариши ҳамкории вилояти Хатлон бо музофоти Шэнсӣ баррасӣ шуд
ДУШАНБЕ, 07.06.2025. /АМИТ «Ховар»/. Рафти татбиқи лоиҳаҳои муштараки Тоҷикистону Чин дар вилояти Хатлон зимни мулоқоти Раиси вилояти Хатлон Давлаталӣ Саид бо губернатори Ҳукумати мардумии музофоти Шэнсии Ҷумҳурии Мардумии Чин Ҷао Ган мавриди баррасӣ қарор гирифт.
Тавре хадамоти матбуоти Раиси вилояти Хатлон хабар медиҳад, ҷонибҳо дурнамои густариши ҳамкории иқтисодӣ, тиҷоратӣ ва фарҳангиро байни вилояти Хатлон ва музофоти Шэнсӣ баррасӣ намуданд.
Давлаталӣ Саид ҳамкории судмандро бо музофоти Шэнсӣ ва ширкатҳои чинӣ, аз ҷумла дар бахшҳои саноат ва энергетика, махсусан дар ноҳияи Ёвон – бо фаъолияти корхонаҳои муштараки сементбарорӣ бо иқтидори 1,2 миллион тонна таъкид намуд.
Ҳамчунин, иброз гардид, ки хати интиқоли барқи «Лолазор» бо ҷалби сармояи Чин бунёд карда шуда, барои содироти неруи барқи Тоҷикистон ба кишварҳои дигар аҳамияти калидӣ дорад.
Ҷонибҳо ҳамчунин аз татбиқи лоиҳаҳои муштараки саноатӣ дар Минтақаи озоди иқтисодии «Данғара» ва фаъолияти ширкатҳои кишоварзии Чин дар ноҳияҳои Ёвон, Данғара, Кӯшониён, Ҷалолиддини Балхӣ ва Дӯстӣ ёдовар шуданд.
Бунёди боғи дӯстии Тоҷикистону Чин дар Данғара низ намунаи равобити фарҳангии ду давлат арзёбӣ гардид.
Гуфтан ба маврид аст, ки гардиши савдои хориҷии вилояти Хатлон бо Ҷумҳурии Мардумии Чин дар солҳои 2023–2024 беш аз 232 миллион доллар ва дар чор моҳи аввали соли 2025 панҷ миллион долларро ташкил дод.
Ҷао Ган изҳор дошт, ки музофоти Шэнсӣ ба густариши ҳамкорӣ дар бахшҳои иқтисоди рақамӣ, нанотехнология, саноати кимиё, маориф ва омодасозии мутахассисони соҳавӣ низ таваҷҷуҳ дорад.
Бо қаноатмандӣ таъкид карда шуд, ки байни вилояти Хатлон ва музофоти Шэнсӣ Протокол «Дар бораи нияти рушди муносибатҳои бародарона» (соли 2015) ва Меморандуми дахлдор (аз 4 сентябри соли 2017) ба имзо расида, шаҳри Вэйнан ва ноҳияи Данғара робитаҳои бародаршаҳрӣ доранд.
Дар интиҳои мулоқот ҷонибҳо ба рушди ҳамкорӣ дар бахшҳои кишоварзӣ, боғпарварӣ, омӯзиши забон, баланд бардоштани тахассуси мутахассисон ва дигар самтҳои афзалиятнок изҳори таваҷҷуҳ намуданд.
АКС: Хадамоти матбуоти Раиси вилояти Хатлон
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
