Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
ДУШАНБЕ, 01.06.2025. /АМИТ «Ховар»/. Имрӯз як гурӯҳ меҳмонон ва иштирокдорони Конфронси байналмилалии сатҳи баланд оид ба ҳифзи пиряхҳо бо рафти корҳои сохтмонӣ дар Неругоҳи барқи обии «Роғун» шинос шуданд, хабар медиҳад мухбири АМИТ «Ховар» Файзалӣ Қурбонзода.
Иштирокдорон аз минтақаи обқабулкунанда, сарбанди асосӣ ва толори мошинҳои неругоҳ аз наздик шинос шуда, аз ҷараёни корҳои сохтмонӣ ва заҳмати шабонарӯзии мутахассисону кормандони НБО «Роғун» дар ин иншооти бузурги аср дидан намуданд.
Меҳмонон ҷараёни сохтмонро «шоистаи таҳсину намунаи олии иродаи миллӣ» арзёбӣ намуда, таъкид карданд, ки ин лоиҳаи муҳим на танҳо барои Тоҷикистон, балки барои минтақа ва ҷаҳони муосир аҳамияти ҳаётан муҳим дорад.
Онҳо саҳми шахсии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар бунёди иншооти азим ва роҳандозии лоиҳаҳои калидии соҳаи энергетикаи мамлакат баланд арзёбӣ намуданд.
Ёдовар мешавем, ки Конфронси байналмилалии сатҳи баланд оид ба ҳифзи пиряхҳо рӯзҳои 29–31 майи соли 2025 дар шаҳри Душанбе доир шуда, яке аз муҳимтарин чорабиниҳои сатҳи ҷаҳонӣ дар самти экология ва иқлим гардид.
Дар ин Конфронс зиёда аз 2600 намоянда аз 90 кишвари ҷаҳон иштирок намуда, барномаи он ду ҷаласаи умумӣ, 12 нишасти мавзӯӣ, 2 мизи мудаввари сатҳи баланд, инчунин чорабиниҳои пешазконфронсӣ, аз ҷумла 8 форуми сатҳи баланд ва 17 чорабинии канориро дар бар гирифт.
АКС: АМИТ «Ховар»
Дар қароргоҳи ЮНЕСКО оид ба омодагӣ ба Конфронси байналмилалии оби Душанбе нишасти матбуотӣ доир шуд
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Ташаббуси Ҷумҳурии Тоҷикистон доир ба қабули қатъномаи Иҷлосияи 82-юми Комиссияи иқтисодӣ ва иҷтимоии СММ барои Осиё ва Уқёнуси Ором дар Бангкок
ҲИФЗИ ПИРЯХҲО. Баланд бардоштани маърифати экологии аҳолӣ дар ҳалли ин масъала нақши муҳим дорад
Раҳмон Исломиддин: «Ташаббусҳои Тоҷикистон оид ба обу иқлим ба ҳалли мушкилоти аҳли башар мусоидат менамоянд»
«ХАТЛОН — САРЗАМИНИ ТАМАДДУНҲО ВА САЁҲАТ». Дар Муъминобод форум ва намоиши байналмилалии сайёҳӣ баргузор мегардад
ТАШАББУСҲОИ ТОҶИКИСТОН. Ҳифзи пиряхҳо барои амният, шукуфоӣ ва адолат муҳим аст
Дар Конфронси чоруми байналмилалии сатҳи баланд дар Душанбе ҳайати бонуфуз аз Миср иштирок менамояд
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
