Лукас Эринсон аз Канада: «Дар Тоҷикистон дар як рӯз чор фасли солро мушоҳида намудам»
ДУШАНБЕ, 01.06.2025. /АМИТ «Ховар»/ – Яке аз меҳмонони Конфронси байналмилалии сатҳи баланд оид ба ҳифзи пиряхҳо, шаҳрванди Канада ва иштирокдори «Эко-пойга барои пиряхҳо» («Eco-Run For Glacier») Лукас Эринсон пас аз боздид аз Маҷмааи лижаронии «Сафеддара» дар суҳбат бо хабарнигори АМИТ «Ховар» Зарангези Латиф иброз дошт, ки дар Тоҷикистон дар як рӯз чор фасли солро мушоҳида намуд.
«Дар ин сарзамин тавонистем, дар як рӯз чор фасли сол – баҳор, тобистон, тирамоҳ ва зимистонро мушоҳида намоем. Ин як таҷрибаи беназир буд. Бовар дорам, ки Тоҷикистонро боз хоҳам дид ва ҳатман дӯстонамро барои боздид аз ин кишвари афсонавӣ ташвиқ мекунам», – изҳори таассурот намуд ӯ.
Меҳмонони дигар бо роҳи танобӣ ба баландии 3020 метр аз сатҳи баҳр баромада, дар муҳити табиии барфпӯшу офтобӣ аксҳои хотиравӣ гирифта, аз манзараҳои зебои кӯҳистон баҳра бурданд.
Онҳо таъкид карданд, ки нияти бозгашт ба ин макони дилфиребро дар фасли зимистон низ доранд.
Ёдовар мешавем, ки Маҷмааи лижаронии «Сафеддара», воқеъ дар 50-километрии пойтахт, яке аз марказҳои муҳими варзишию сайёҳии Тоҷикистон ба шумор рафта, бо инфрасохтори замонавӣ ва табиати нотакрор сайёҳони дохиливу хориҷиро ба худ ҷалб менамояд.
АКС: АМИТ «Ховар»
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
