Муовини Сарвазир бо рафти кишти картошка дар Ҷамоати деҳоти Ҳиҷбораки ноҳияи Рашт шинос гардид
ДУШАНБЕ, 12.06.2025 /АМИТ «Ховар»/. 11 июн муовини Сарвазири Ҷумҳурии Тоҷикистон Сулаймон Зиёзода дар доираи сафар ба ноҳияи Рашт бо рафти кишти картошка дар Ҷамоати деҳоти Ҳиҷборак шинос гардид.
Ба муовини Сарвазири мамлакат иттилоъ дода шуд, ки дар бахши кишоварзии ноҳия то имрӯз 1699 гектар ғалладона, 366 гектар зиротаи техникӣ, 251 гектар сабзавот ва 1637 гектар картошка кишт шуда, дар майдони 9,5 гектар боғи нав бунёд гардидааст.
Ҳоло дар ноҳия барои деҳқонон тамоми имкониятҳо, аз ҷумла захираи тухми картошка ва нуриҳои минералӣ фароҳам оварда шуда, барои шудгор кардани заминҳо техникаҳо сафарбар гардидаанд.
Инчунин сокинони ноҳия низ дар қитъаҳои заминҳои наздиҳавлигиашон нақшаи кишти тамоми маҳсулоти кишоварзиро ба пуррагӣ иҷро кардаанд.
Бояд гуфт, ки пешрафти истеҳсолоти кишоварзӣ омили муҳимтарини таъмини амнияти озуқаворӣ ба ҳисоб рафта, бунёду навсозии инфрасохтори обрасонӣ, азхудкунии заминҳои нав, беҳтар гардонидани ҳолати мелиоративии заминҳо, таъминоти соҳаи кишоварзӣ бо техникаи зарурӣ ва тухмиҳои аълосифат аз ҷумлаи вазифаҳои аввалиндараҷаи соҳаи кишоварзӣ мебошанд.
Кишоварзони ноҳияи Рашт аз ҳисоби заминҳои талу теппаҳо ва ба гардиши кишоварзӣ ворид намудани заминҳои бекорхобида майдони картошказорро вусъат бахшида, дар таъмин амнияти озуқавории мамлакат саҳми назаррас хоҳанд гузошт.
АКС: Мақомоти иҷроияи ҳокимияти давлатии ноҳияи Рашт
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
Дар ноҳияи Ҷалолиддини Балхӣ ҳаҷми истеҳсоли маҳсулоти кишоварзӣ 946 миллион сомониро ташкил дод
Рушди ҳамкорӣ дар самти заминсозӣ ва кадастри замин баррасӣ гардид
Ҳаҷми гардиши мутақобили мол байни Тоҷикистон ва Амороти Муттаҳидаи Араб беш аз 2 баробар афзудааст
Корхонаҳои саноатии вилояти Хатлон ба маблағи беш аз 5 миллиард сомонӣ маҳсулот истеҳсол намудаанд
Ҳамкории Тоҷикистон ва Амороти Муттаҳидаи Араб дар соҳаи авиатсияи гражданӣ баррасӣ шуд
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
