Муовини Сарвазир бо вазъи муассисаҳои таҳсилоти ибтидоӣ ва миёнаи умумии ноҳияи Рашт шинос гардид
ДУШАНБЕ, 12.06.2025. /АМИТ «Ховар»/. Муовини Сарвазири Ҷумҳурии Тоҷикистон Сулаймон Зиёзода бо вазъи як қатор муассисаҳои таҳсилоти ибтидоӣ ва миёнаи умумии ноҳияи Рашт шинос гардид. Дар ин хусус ба АМИТ «Ховар» аз маркази матбуоти Вазорати маориф ва илми Ҷумҳурии Тоҷикистон хабар доданд.
Зимни шиносоӣ бо вазъи муассисаи таҳсилоти миёнаи умумии №65-и деҳаи Ҳазорчашмаи Ҷамоати деҳоти Ҳиҷборак иттилоъ дода шуд, ки муассиса аз ду бино иборат буда, яке аз биноҳои кӯҳна, ки дорои 2 синфхона мебошад, бинобар фарсудагии зиёд аз истифода берун бароварда шудааст. Дар айни ҳол дар бинои нави муассиса, ки дорои 6 синфхона мебошад, 170 нафар хонанда таҳсил менамоянд, ки ба онҳо 12 омӯзгор дарс мегӯяд.
Сулаймон Зиёзода бо вазъи муассисаи таҳсилоти ибтидоии №108-и деҳаи Қалъаи Ҷамоати деҳоти Ҳичобрак низ шинос гардид. Бинои муассиса бинобар зарар дидан аз офати табиӣ ба ҳолати садамавӣ дучор гардида, хонандагон бо назардошти дурии муассисаи алтернативӣ муваққатан дар ҳамин бино таҳсил менамоянд. Аз рӯйи арзёбии масъулин, бунёди 4 синфхонаи иловагӣ дар ҳудуди муассиса дар назар аст.
Муовини Сарвазир инчунин бо вазъи муассисаи таҳсилоти ибтидоии №103, воқеъ дар деҳаи Сафедтундаки Ҷамоати деҳоти Аскалон шинос гардид. Бинои муассиса дар пайи офати табиӣ осеби ҷиддӣ дида, фаъолияти таълимӣ дар он ғайриимкон гардидааст. Иттилоъ дода шуд, ки хонандагони муассиса ба муассисаи таҳсилоти миёнаи умумии №56 барои идомаи таҳсил рафта истодаанд. Бо мақсади таъмини шароити устувори таълимӣ, бунёди бинои нави таълимӣ иборат аз 3 синфхона ба нақша гирифта шудааст.
Муовини Сарвазир ва муовини Вазири маориф ва илм зимни шиносоӣ ва суҳбат бо омӯзгорон, масъулини мақомоти маҳаллӣ ва намояндагони сохторҳои марбутаро таъкид намуданд, ки фароҳамсозии шароити мусоиди таҳсил барои ҳар як кӯдак, новобаста аз макони зист ва шумораи хонандагон, яке аз самтҳои афзалиятноки сиёсати иҷтимоии давлат мебошад.
Ёдовар мешавем, ки дар пайравӣ ба иқдомҳои инсонпарварона ва маорифпарваронаи Пешвои миллат муҳтарам Эмомалӣ Раҳмон сохтмони синфхонаҳои иловагӣ ва муҷаҳҳазнамоии ин муассисаҳо аз 13 апрел оғоз гардидааст.
АКС: Маркази матбуоти Вазорати маориф ва илми Ҷумҳурии Тоҷикистон
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
