«ОФТОБИ НАЗМИ ОЛАМ». Дар Душанбе бахшида ба бузургдошти 700-солагии Ҳофизи Шерозӣ ҳамоиш баргузор гардид
ДУШАНБЕ, 12.06.2025. /АМИТ «Ховар»/. 11 июн дар Агентии ҳифзи мероси таърихию фарҳангии назди Ҳукумати Ҷумҳурии Тоҷикистон бахшида ба бузургдошти 700-солагии Ҳофизи Шерозӣ ҳамоиш баргузор гардид, хабар доданд ба АМИТ «Ховар» аз ин агентӣ.
Дар ҳамоиш иброз гардид, ки рисолати Агентӣ назорат, ҳифзу нигаҳдорӣ, пажуҳиш, кашф, бо самар омӯхтани таъриху фарҳанги мардум, тармиму барқарорсозии мероси таърихию фарҳангӣ ва муаррифӣ намудани дастовардҳои таъриху фарҳанги гузаштаю имрӯза ва фарзандони фарзонаи миллати тамаддунофари тоҷик ба шумор меравад.
Таъкид карда шуд, ки Президенти Ҷумҳурии Тоҷикистон муҳтарам Эмомалӣ Раҳмон ҳамеша ба мероси ниёгон ва шахсиятҳои таърихии миллати тоҷик арҷ гузошта, ҷиҳати муаррифии тамаддуни безавол ва чеҳраҳои мондагор корҳои шоиста анҷом медиҳанд.
Ин ташаббус боз як марҳалаи навест дар шинохти бештари Тоҷикистон ҳамчун давлати дорои таърихи бой ва фарҳанги қадима дар сатҳи байналмилалӣ. Дастгирии мероси таърихии шахсиятҳои бузурги миллӣ, на танҳо як амали рамзӣ, балки далели рӯшан аз арҷгузории роҳбарияти олии мамлакат ба арзишҳои таърихии миллати тоҷик ва саҳми он дар тамаддуни ҷаҳонӣ мебошад.
Ҳофизи Шерозӣ бузургтарин шоири ғазалсаро буда, дар таърихи адабиёти тоҷику форс мақоми баланд дорад.
Зимни ҳамоиш муҳаққиқон ёдовар шудаанд, ки Пушкин дар пайравии Ҳофизи Шерозӣ шеърҳо офаридааст, Гёте ӯро офтоби назми олам номидааст. Вақте дар Олмон Иоҳан Гётеро «Офтоби назм» ном мебаранд, ӯ эътироз менамояд ва мегӯяд: «На, ман Офтоб нестам, Офтоб дар Шарқ тулӯъ намудааст ва он Ҳофизи Шерозӣ аст. Ман моҳтобам, ки нурҳои он Офтоби олмгирро мунақис мекунам…»
Иоҳан Гёте – бузургтарин намояндаи адабиёти ҷаҳонӣ шоири асри XIX – и немис андешаҳои хешро доир ба ашъори Ҳофизи Шерозӣ – шоири тавоно ва илҳомбахш навиштааст.
Ёдовар мешаваем, ки соли 1991 бо қарори ЮНЕСКО, 12 октябр ба тақвими байналмилалии санаҳои муҳим шомил шуда, аз ҳамон сол инҷониб дар тамоми ҷаҳон ин рӯз «Рӯзи ёдбуди Ҳофизи Шерозӣ» эълон гардидааст.
АКС: Агентии ҳифзи мероси таърихию фарҳангии назди Ҳукумати Ҷумҳурии Тоҷикистон
Ҳамкорӣ байни муассисаҳои илмӣ-таҳқиқотии Тоҷикистон ва Ҷопон густариш меёбад
ШОҲНОМАПАЖӮҲӢ ДАР ЗАМОНИ СОҲИБИСТИҚЛОЛИИ ТОҶИКИСТОН. Ҳадафи ниҳоии Фирдавсӣ аз иншои асараш инсонсозӣ бо ҳувияти миллӣ будааст
Китоби «Мероси таърихӣ, фарҳангӣ ва табиии Тоҷикистон» аз чоп баромад
Антропологи машҳури рус дар ёдгории Сари Майни ноҳияи Айнӣ таҳқиқот мегузаронад
НИШАСТҲОИ МАТБУОТӢ. 21 июл дар вазорату идораҳои Тоҷикистон нишастҳои матбуотӣ оғоз мегарданд
«Қалъаи Хуҷанд» ба рӯйхати 10 мавзеи ҷолиби сайёҳии Тоҷикистон шомил гардидааст
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
