«САОДАТИ МИЛЛАТ ДАР ВАҲДАТ АСТ». Дар Китобхонаи миллӣ таҳти ин унвон ҳамоиш баргузор шуд
ДУШАНБЕ, 25.06.2025 /АМИТ «Ховар»/. 24 июн дар Китобхонаи миллии Тоҷикистон бахшида ба Рӯзи Ваҳдати миллӣ таҳти унвони «Саодати миллат дар ваҳдат аст» ҳамоиш баргузор гардид. Дар ин хусус ба АМИТ «Ховар» аз Китобхонаи миллӣ хабар доданд.
Зимни ҳамоиш гуфта шуд, ки имрӯз Ваҳдати миллӣ ҳамчун пояи муҳими Истиқлоли давлатӣ ва рушду шукуфоии давлат арзёбӣ мешавад. Ваҳдат на танҳо як шиор, балки амали ҳаррӯзаи мардум гаштааст. Таҷрибаи давлатҳои муваффақ нишон медиҳад, ки бидуни ваҳдати миллӣ, на амният барқарор мешавад, на иқтисод рушд меёбад ва на фарҳангу илм такомул меёбад.
«Вақте мо аз саодати миллат ҳарф мезанем, наметавонем онро аз ваҳдат ҷудо тасаввур кунем. Ваҳдат рамзи умеду зиндагии шоиста мардум буда, маҳз тавассути ин арзиши олӣ миллати тоҷик тавонист ба зиндагии саодатманд ноил гардад»,-гуфта шуд дар ҳамоиш.
Тавре Президенти Ҷумҳурии Тоҷикистон муҳтарам Эмомалӣ Раҳмон дар яке аз суханрониҳо бахшида ба Рӯзи Ваҳдати миллӣ иброз доштанд: «Ваҳдати миллӣ барои мо дастоварди ниҳоят пурарзиш, шарти асосии некӯаҳволии халқамон ва таҳкурсии боэътимоди пешрафту ободии Ватани маҳбубамон мебошад. Аз ин лиҳоз, вазифаи ҳар шахси худшиносу худогоҳ, ватандӯсту ватанпарвар аз он иборат аст, ки ваҳдати миллиро чун гавҳари бебаҳо ва дастоварди ниҳоят азиз ҳифз намояд ва онро дар радифи дигар муқаддасоти миллиамон пос ва гиромӣ дорад».
Дар ҳамоиш таъкид шуд, ки фазои сулҳу суботи комил ва пешрафти босаодати ҷомеа ба ин сана иртиботи қавӣ дорад. Зеро ваҳдату якдилӣ ва эҳсоси ватандӯстии сокинони мамлакат пойдевори мустаҳками истиқлоли давлат буда, моро водор месозад, ки барои ҳифзи ин арзишҳои муқаддас ҳамаҷониба талош намоем.
АКС: Китобхонаи миллии Тоҷикистон
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
