Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
ДУШАНБЕ, 05.06.2025/АМИТ «Ховар»/. «Кишварҳои аъзои Иттиҳоди Давлатҳои Мустақил рушди ҳамкории мутақобилан судманд ва ҳамаҷонибаро дар доираи Иттиҳод тасдиқ намуданд», — гуфт имрӯз дар нишасти матбуотӣ Раиси Шурои сарони ҳукуматҳои Иттиҳоди Давлатҳои Мустақил, Сарвазири Ҷумҳурии Тоҷикистон Қоҳир Расулзода пас аз ҷаласаи Шуро.
Сарвазири мамлакат иброз дошт, ки «зимни ҷаласаи Шуро мубодилаи ҳамаҷониба ва муфассали афкор доир ба маҷмуи васеи масъалаҳои муҳими ҳамкории иқтисодӣ анҷом дода шуд. Таваҷҷуҳи махсус ба таҳкими савдои мутақобила, рушди ҳамкории саноатӣ, гуногунсозии иқтидори содиротӣ, ҷорӣ намудани технологияҳои муосир ва меъёрҳои байналмилалии сифат равона карда шуд».
«Мавқеи кишварҳо оид ба масъалаҳои калидии рӯзномаи байналмилалӣ дар сатҳи баланд мутобиқ буда, ин омил ба таҳкими ҳамгироӣ ва фаҳмиши мутақобилаи байни давлатҳои мо мусоидат мекунад»,-тазаккур дод Қоҳир Расулзода.
Ёдовар мешавем, ки дар ҷаласа Сарвазири Ҷумҳурии Беларус Александр Турчин, Сарвазири Ҷумҳурии Озарбойҷон Алӣ Асадов, Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев, Сарвазири Ҷумҳурии Қазоқистон Олжас Бектенов, Раиси Ҳукумати Федератсияи Русия Михаил Мишустин, Сарвазири Ҷумҳурии Узбекистон Абдулло Орипов, муовини Сарвазири Ҷумҳурии Арманистон Мгер Григорян, муовини Раиси Девони вазирони Туркманистон Ходжамират Гелдимирадов ва Котиби генералии Иттиҳоди Давлатҳои Мустақил Сергей Лебедев иштирок намуданд.
Бояд гуфт, ки дар соли 2025 раёсат дар Иттиҳоди Давлатҳои Мустақил ба зиммаи Ҷумҳурии Тоҷикистон мебошад.
АКС: АМИТ «Ховар»
ИМРӮЗ — РӮЗИ СОЗМОНИ МИЛАЛИ МУТТАҲИД. Тоҷикистон дар 34 соли ҳамкорӣ ташаббусҳои муҳимро ба манфиати кишварҳои минтақа ва ҷаҳон амалӣ намудааст
Ҳайати тиҷоратии Олмон барои густариши ҳамкорӣ ба шаҳри Душанбе меояд
Дар Батуми мулоқоти вазирони корҳои хориҷии давлатҳои Осиёи Марказӣ ва Гурҷистон баргузор гардид
Сафири Тоҷикистон бо Мудири кулли Мақомоти федералии андози Амороти Муттаҳидаи Араб мулоқот намуд
Вазири корҳои хориҷии Тоҷикистон бо Сарвазири Гурҷистон вохӯрӣ намуд
Сироҷиддин Муҳриддин бо муовини Сарвазир, Вазири корҳои хориҷии Гурҷистон мулоқот намуд
Ҳамкории Тоҷикистон бо Бонки ҷаҳонӣ баррасӣ гардид
Дар Берлин нахустин Маркази инноватсионии зеҳни сунъӣ дар Осиёи Марказӣ бо дастгирии NVIDIA муаррифӣ гардид
Дурнамои ҳамкории Тоҷикистон бо Донишгоҳи давлатии аграрии Урали Ҷанубӣ баррасӣ шуд
Дар Душанбе оид ба дурнамои ҳамкории Тоҷикистон бо САҲА мубодилаи афкор доир шуд
Донишҷӯёни Донишкадаи Diplomun Institute бо фаъолияти Намояндагии доимии Тоҷикистон дар Женева шинос шуданд
Сафири Тоҷикистон ба вазири корҳои хориҷии Алҷазоир нусхаи эътимоднома супорид
