Сокинони Анқараро даъват карданд, ки обро сарфакорона истифода намоянд
ДУШАНБЕ, 30.06.2025 /АМИТ «Ховар»/. Оқибатҳои тағйирёбии иқлим ва афзоиши аҳолӣ мушкилоти ҷиддии таъмини обро барои сокинони шаҳри Анқара пеш овардааст. Тавре АМИТ «Ховар» бо истинод ба АЗЕРТАДЖ иттилоъ медиҳад, сатҳи об дар зиёда аз даҳ обанборе, ки пойтахти Туркияро бо об таъмин мекунанд, то 15 дарсад поён рафтааст. Сардори Раёсати идоракунии хоҷагии оби Анқара (ASKİ) Мемдух Аслан Акчай сокинони шаҳрро ба сарфаи ҷиддии об даъват намуд.
Сардори Раёсати идоракунии хоҷагии оби Анқара шарҳ дод, ки истифодаи об дар шаҳр имрӯз 325 миллион метри мукааб дар як сол ва ба ҳисоби миёна ба сари аҳолӣ 240 литр дар як рӯзро ташкил медиҳад.
«Бо захираҳои мавҷуда об ҳамагӣ барои 170-180 рӯз кофӣ хоҳад буд», -таъкид намуд ӯ.
Дар ҳамин ҳол, коршиносон дар мавриди захираи обии Анқара пешгӯиҳои номатлубро баён мекунанд. Ба ақидаи онҳо, агар дар солҳои наздик сарчашмаҳои нави обрасонӣ пайдо нашаванд, бӯҳрони об дар Анқара ногузир хоҳад шуд.
«Захираҳои оби зеризаминие, ки дар баробари боришот обанборҳои пойтахтро пур менамоянд, тамом мешаванд. Хушкӣ ва афзоиши аҳолӣ нигарониҳои ҷиддиро ба бор овардааст. Ягона манбаи эҳтимолии оби тоза барои Анқара дарёи Гереде аст, ки ба Баҳри Сиёҳ мерезад», — мегӯянд коршиносон.
АКС аз манбаъҳои боз
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
