Татбиқи тарҳи «CASA-1000» намунаи ҳамкории энергетики минтақавӣ мебошад
ДУШАНБЕ, 25.06.2025 /АМИТ «Ховар»/. Татбиқи лоиҳаи «CASA-1000» ба рушди ҳамгироии энергетикӣ байни кишварҳои Осиёи Марказӣ ва Осиёи Ҷанубӣ мусоидат намуда, имкониятҳои содироти неруи барқи барқароршавандаи Тоҷикистонро ба бозорҳои хориҷӣ фароҳам меорад. Ин нуктаро муовини Вазири энергетика ва захираҳои оби ҷумҳурӣ Манучеҳр Сафарзода дар ҷаласаи VI Конфронси 3-юми байналмилалӣ, ки таҳти унвони «Дурнамои рушди энергетикаи барқароршаванда дар Ҷумҳурии Тоҷикистон» Панели мубоҳисавӣ: «Тарҳрезии лоиҳаҳои ҳамгироии минтақавӣ дар мисоли лоиҳаи минтақавии интиқоли неруи барқ «CASA-1000» доир гардид, иброз намуд.
АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад, ки иштирокдорон дар ҷаласа доир ба аҳамияти стратегии лоиҳаи «CASA-1000» барои Тоҷикистон ва минтақа ибрози назар намуда, таъкид карданд, ки «CASA-1000» метавонад ҳамчун платформаи намунавӣ барои татбиқи дигар ташаббусҳои энергетикии минтақавӣ хизмат кунад.
Дар ҷаласа ҳамзамон доир ба таҷрибаи андӯхташуда, мушкилоти ҳамоҳангсозии минтақавӣ, масъалаҳои молиявӣ ва нақши сармоягузории байналмилалӣ табодули назар карда шуд.
Лоиҳаи CASA-1000- ин бузургтарин лоиҳаи энергетикии Осиёи Марказӣ ва Осиёи Ҷанубӣ (Central Asia – South Asia (CASA)) мебошад. Лоиҳа сохтмони хати баландшиддати интиқоли нерӯи барқро дар бар мегирад, ки дар натиҷаи ба итмом расидани сохтмони хати мазкур низоми энергетикии ҷумҳуриҳои Тоҷикистон, Қирғизистон, Афғонистон ва Покистонро пайваст менамояд. Амалӣ гардидани лоиҳа ҷиҳати гузоштани қадами муҳим барои ташкили Бозори минтақавии электроэнергия дар Осиёи Марказӣ ва Ҷанубӣ (CASAREM) мусоидат менамояд.
АКС аз манбаъҳои боз
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
