Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
ДУШАНБЕ, 07.06.2025 /АМИТ «Ховар»/. Дар шаҳри Ню-Деҳлӣ вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири фарҳанг ва сайёҳии Ҷумҳурии Ҳиндустон Гаҷендра Сингҳ Шекҳават баргузор гардид.
Тавре ба АМИТ «Ховар» аз Вазорати корҳои хориҷии мамлакат хаабар доданд, зимни мулоқот ҷонибҳо дурнамои тавсеаи ҳамкории фарҳангӣ, адабӣ ва сайёҳиро мавриди муҳокима қарор дода, таъкид намуданд, ки ин равобит бар пояи робитаҳои таърихӣ, забонӣ ва маънавии муштарак устувор мебошанд.
Як қатор иқдом, аз ҷумла таҳияи феҳристи ягонаи дастнависҳои тоҷикӣ-форсии маҳфуз дар китобхонаҳо ва бойгониҳои Ҳиндустон ва рақамикунонии онҳо, аз ҷумла платформаи онлайнии «Ганҷинаи Бедил», ки ба осори шоири маъруфи адабиёти форсизабони Ҳиндустон Мирзо Абдулқодири Бедил бахшида шудааст, мавриди баррасии ҷонибҳо қарор гирифтанд.
Ҳамчунин, масъалаи баргузории Рӯзҳои фарҳангии муштарак, нашри маҷмӯаи чандзабонаи «Бедил дар ойинаи дил» ва барқарорсозии «Боғи Бедил» дар Ню-Деҳлӣ ҳамчун рамзи дӯстии фарҳангии ду кишвар муҳокима гардид.
Ҷонибҳо изҳори омодагӣ намуданд, ки ҳамкориро дар соҳаҳои таҳсилот ва илм, аз ҷумла бо таъсиси факултаҳо, марказҳои тадқиқотӣ ва барномаҳои муштараки таълимӣ тавсеа медиҳанд.
Дар баробари ин, ба зарурати таҳкими робитаҳои мустақим байни воситаҳои ахбори омма ва тақвияти ҳамкории иттилоотӣ таъкид карда шуд.
АКС: Вазорати корҳои хориҷии Ҷумҳурии Тоҷикистон
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
