Вазири меҳнат, муҳоҷират ва шуғли аҳолии Тоҷикистон дар Конфронси байналмилалии меҳнат иштирок намуд
ДУШАНБЕ, 11.06.2025. /АМИТ «Ховар»/. 10 июн дар шаҳри Женева 113-умин Конфронси байналмилалии меҳнат оғоз гардид, ки дар кори он Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода иштирок ва суханронӣ намуд. Конфронс то 13 июни соли равон идома меёбад. Дар ин хусус АМИТ «Ховар» бо истинод ба Сафорати Тоҷикистон дар Конфедератсияи Шветсария хабар медиҳад.
Дар иҷлосияи имсола доираи васеи масъалаҳои марбут ба соҳаи меҳнат, ба монанди стандартҳои эҳтимолии нави байналмилалӣ оид ба ҳифзи коргарон аз хатарҳои биологӣ дар муҳити корӣ, кори шоиста дар иқтисоди рақамӣ ва равишҳои инноватсионӣ барои пешбурди гузариш аз иқтисоди ғайрирасмӣ ба иқтисоди расмӣ баррасӣ мегарданд.
Вазири меҳнат, муҳоҷират ва шуғли аҳолӣ ҳавасмандии ҷониби Тоҷикистонро ҷиҳати таҳкиму тавсеаи ҳамкории минбаъда байни Ҷумҳурии Тоҷикистон ва Созмони байналмилалии меҳнат (СБМ) дар самти ҳифзи иҷтимоии аҳолӣ ва таъмини рушди устувори ҷомеа баён намуда, оид ба сиёсати мамлакат дар самти пешбурди стандартҳои меҳнат, баланд бардоштани сатҳи некӯаҳволӣ, такмили қонунгузорӣ дар соҳаи меҳнат ва суғуртаи иҷтимоӣ сухан намуд.
Ҳамзамон дар ҳошияи иҷлосия, 11 июн мулоқоти Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода бо Мудири кулли Созмони байналмилалии меҳнат Жилбер Ҳунгбо ва бо Директори минтақавии СБМ барои Аврупо ва Осиёи Марказӣ хонум Биат Андрес баргузор гардид.
Зимни мулоқот масъалаи ҳамкории Тоҷикистон ва Созмони байналмилалии меҳнат дар соҳаи стандартҳои меҳнат, ҳифзи иҷтимоӣ ва таҳкими заминаи ҳуқуқӣ мавриди баррасӣ қарор гирифт.
Ҷонибҳо ҳавасмандии хешро ҷиҳати таҳкиму тавсеаи ҳамкории минбаъда байни Ҷумҳурии Тоҷикистон ва Созмони байналмилалии меҳнат дар самти ҳифзи иҷтимоии аҳолӣ ва таъмини рушди устувори ҷомеа баён намуданд.
АКС: Сафорати Тоҷикистон дар Конфедератсияи Шветсария
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
