35-СОЛАГИИ ИСТИҚЛОЛИ ДАВЛАТӢ. 25 километр роҳи деҳаи Гулзори шаҳри Кӯлоб мумфарш карда мешавад
ДУШАНБЕ, 04.07.2025 /АМИТ «Ховар»/. Ба истиқболи ҷашни 35-солагии Истиқлоли давлатии Ҷумҳурии Тоҷикистон 25 км роҳи деҳаи Гулзори Ҷамоати деҳоти Даҳанаи шаҳри Кӯлоб мумфарш карда мешавад. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Кӯлоб хабар доданд.
Мумфаршкунии роҳ дар доираи ҳидоятҳои созандаву бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон бо ташаббуси соҳибкорон ва сокинони деҳа амалӣ карда мешавад.
Раиси шаҳри Кӯлоб Бахтиёр Назарзода бо рафти корҳои роҳсозӣ дар ин деҳа шинос гардида, ба сокинон барои саҳмгузорӣ дар корҳои созандагию бунёдкорӣ ва сарҷамъию муттаҳидӣ изҳори сипос намуд.
Ҳоло бо ҷалби мутахассисони роҳсоз ва сокинони деҳа кор бо суръат идома дошта, масъулин кӯшиш доранд, ки дар муҳлати муайянгардида корро бо сифати баланд ба анҷом расонанд.
Ёдовар мешавем, ки бо мақсади дар сатҳи баланд истиқбол гирифтани ҷашни 35-солагии Истиқлоли давлатӣ дар шаҳри Кӯлоб корҳои таъмиру навсозии роҳҳо вусъат меёбанд. Аз ҷумла, моҳи июн дар деҳаи Маҳмадалӣ Ғаффори Ҷамоати деҳоти Зиракии шаҳри Кӯлоб дар масофаи 1300 метр мумфаршсозии роҳи дохилии аҳамияти ҷумҳуриявӣ оғоз гардидааст.
Ин роҳ дар шоҳроҳи Кӯлоб–Ховалинг–Балҷувон ҷойгир мебошад. Корҳои асфалтпӯшкунӣ бо маблағгузории Вазорати нақлиёти Ҷумҳурии Тоҷикистон амалӣ гардида, барои он 550 ҳазор сомонӣ ҷудо шудааст.
Хотиррасон мешавем, ки бахшида ба ҷашни 35-солагии Истиқлоли давлатии Ҷумҳурии Тоҷикистон дар шаҳри Кӯлоб таъмиру бунёди 494 иншоот ба нақша гирифта шудааст.
АКС: Мақомоти иҷроияи ҳокимияти давлатии шаҳри Кӯлоб
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
Сарвари давлат Эмомалӣ Раҳмон сафари корӣ ба шаҳри Кӯлоб ташриф оварданд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар шаҳри Панҷакент сохтмони иншооти иҷтимоӣ вусъат меёбад
Пешвои миллат Эмомалӣ Раҳмон дар ноҳияи Восеъ ба фаъолияти Маркази таълимӣ ва забономӯзии «Ориё» расман оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ боғчаи бачагонаи «Маҳдия»-ро ба истифода супориданд
Сарвари давлат Эмомалӣ Раҳмон дар ноҳияи Восеъ ба таври фосилавӣ 20 иншооти таъиноташон гуногун ва 70 километр роҳҳои маҳаллиро мавриди баҳрабардорӣ қарор доданд
Пешвои миллат Эмомалӣ Раҳмон дар ноҳияи Восеъ бинои Меҳмонхона ва Маркази хизматрасонии «Эҳсон»-ро ба истифода доданд
Дар шаҳри Москва 35-солагии Истиқлоли давлатии Тоҷикистон таҷлил намуданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ бинои Беморхонаи хусусии «Тибби Ҳулбук»-ро мавриди истифода қарор доданд
Сарвари давлат Эмомалӣ Раҳмон бо сафари корӣ ба ноҳияи Восеъ ташриф оварданд
