35-СОЛАГИИ ИСТИҚЛОЛИ ДАВЛАТӢ. Дар Мастчоҳ бинои иловагии муассисаи таҳсилоти томактабӣ сохта мешавад
ДУШАНБЕ, 13.07.2025. /АМИТ «Ховар»/. Ба истиқболи ҷашни 35-солагии Истиқлоли давлатӣ дар Ҷамоати деҳоти Мастчоҳи ноҳияи Мастчоҳ корҳои сохтмонии бинои иловагӣ дар назди муассисаи таҳсилоти томактабии №4 оғоз гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Мастчоҳ хабар доданд.
Ин иқдом дар доираи татбиқи сиёсати иҷтимоии давлат ва амалӣ гардондани дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон оид ба тақвияти соҳаи таҳсилоти томактабӣ, хусусан дар минтақаҳои деҳот амалӣ мегардад.
Мақсад аз бунёди иншооти нав — фароҳам овардани имкониятҳои иловагӣ барои фарогирии бештари кӯдакон ба муассисаи томактабӣ, беҳтарсозии шароити таълиму тарбия ва тақвияти пояҳои рушди зеҳниву ҷисмонии насли наврас маҳсуб меёбад.
Сохтмони чунин биноҳо дар деҳот на танҳо ба паст кардани шиддати талабот ба муассисаҳои томактабӣ мусоидат мекунад, балки як бахши муҳими сиёсати стратегии давлат дар самти таъмини рушди устувори инсонӣ ба шумор меравад.
Тибқи нақша, бинои нави кӯдакистон дуошёна буда, бо дастгирии соҳибкорони маҳаллӣ ва сокинони фаъоли хоҷагии ба номи Ҳоҷӣ Амиров бунёд мешавад. Ин иқдом ҳамчун намунаи ҳамкории судманди ҷомеа бо мақомоти маҳаллӣ дар самти таъмини шароити мусоиди таълимӣ барои кӯдакон арзёбӣ мегардад. Пешбинӣ шудааст, ки дар муассисаи нави томактабӣ беш аз 120 нафар кӯдак ба таълиму тарбияи муосир фаро гирифта шаванд.
Бинои нав бо синфхонаҳои васеъу равшан, утоқҳои махсус барои бозиҳои инкишофдиҳанда, ҳуҷраҳои тиббӣ ва ошхона муҷаҳҳаз хоҳад гашт. Инчунин, дар саҳни кӯдакистон майдончаҳои бозии замонавӣ бунёд мегарданд, ки ба инкишофи ҷисмониву равонии кӯдакон мусоидат хоҳад кард.
АКС: Мақомоти иҷроияи ҳокимияти давлатии ноҳияи Мастчоҳ
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
