35-СОЛАГИИ ИСТИҚЛОЛИ ДАВЛАТӢ. Дар вилояти Суғд 84 корхонаю коргоҳи нав ба фаъолият шуруъ намуд
ДУШАНБЕ, 31.07.2025. /АМИТ «Ховар»/. 30 июл дар вилояти Суғд оид ба натиҷаҳои рушди иҷтимоию иқтисодии вилоят дар шашмоҳаи якуми соли 2025 нишасти матбуотӣ баргузор гардид.
Зимни нишасти матбуотӣ Раиси вилояти Суғд Раҷаб Аҳмадзода иброз намуд, ки бо шарофати сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ва фаъолияти аҳли заҳмату эҷоди вилоят натиҷаҳо назаррас буда, Суғди бостонӣ ба гӯшаи ободу зебо ва саноатӣ табдил ёфтааст.
Ба таъсири манфии омилҳои берунӣ нигоҳ накарда, давоми 6 моҳи соли 2025 дар вилоят ба маблағи 18,1 миллиард сомонӣ маҳсулоти саноатӣ истеҳсол карда шуд, ки нисбат ба ҳамин давраи соли 2024 суръати афзоиш 132,8 фоиз таъмин гардид.
Навъҳои маҳсулоти истеҳсолшаванда дар корхонаю коргоҳҳои саноатии вилоят ба 253 номгӯй расонида шуданд.
Ба истиқболи ҷашни 35-солагии Истиқлоли давлатии Ҷумҳурии Тоҷикистон давоми 6 моҳи соли 2025 дар миқёси вилоят 84 корхонаю коргоҳи нав бо 536 ҷойи нави кор ба фаъолият шуруъ намуд.
Корхонаҳои навтаъсис асосан корхонаҳои соҳаи масолеҳи сохтмон, хӯрокворӣ ва саноати сабукро дар бар гирифта, ба таъмини бозори дохилӣ бо маҳсулоти истеҳсоли ватанӣ ва воридотивазкунанда мусоидат намуданд.
АКС: Хадамоти матбуоти Раиси вилояти Суғд
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
Бахшида ба ҷашни Истиқлолияти давлатӣ дар ноҳияи Ёвон ҳамоиши бошукуҳи адабӣ-фарҳангӣ доир гардид
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Имрӯз дар боғҳои пойтахт рӯзҳои фарҳанги вилояти Суғд ва ноҳияҳои Ванҷу Шуғнон баргузор мегарданд
Дар ноҳияи Ашт неругоҳи офтобӣ ба истифода дода мешавад
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
Сарвари давлат Эмомалӣ Раҳмон дар шаҳри Турсунзода якчанд иншооти иҷтимоӣ, истеҳсолӣ ва хизматрасониро ба таври фосилавӣ ифтитоҳ намуданд
