Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
ДУШАНБЕ, 15.07.2025 /АМИТ «Ховар»/. Имрӯз зимни вохӯрии муовини якуми Вазири рушди иқтисод ва савдои Тоҷикистон Ашурбой Солеҳзода бо ҳайати таҳлилгарони Агентии рейтингии байналмилалии «Standard & Poor’s» дар Тоҷикистон омодагии ҷонибҳо барои густариши минбаъдаи ҳамкории мутақобили судманд изҳор гардид. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Ашурбой Солеҳзода барои дар сатҳи устувор нигоҳ доштани рейтинги кредитии соҳибихтиёрии мамлакат ба Агентии мазкур изҳори миннатдорӣ намуда, ҳайатро бо вазъи иҷтимоию иқтисодии ҷумҳурӣ ва пешгирии таъсири хавфҳои эҳтимолӣ ба иқтисоди милллӣ шинос намуд.
Дар доираи мулоқот ҳайати таҳлилгарони Агентӣ ба устувории макроиқтисодӣ ва дастовардҳои иқтисодии ноилгардидаи Тоҷикистон дар соли 2024 баҳои сазовор дод. Гуфта шуд, ки новобаста аз таъсири омилҳои берунӣ иқтисоди миллӣ дар мамлакат солҳои охир дар сатҳи баланд таъмин гардидааст.
Иброз гардид, ки соли 2024 ва дар шашмоҳаи якуми соли 2025, новобаста аз вазъи мураккаби иқтисоди ҷаҳон дар натиҷаи иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон устувории макроиқтисодӣ дар мамлакат таъмин гардид. Аз ҷумла, соли 2024 суръати рушди воқеии маҷмуи маҳсулоти дохилӣ 8,4 фоизро ташкил дод.
Бо назардошти дар 5 соли охир зиёда аз 8 фоиз таъмин гардидани рушди иқтисодии мамлакат аз Агентии рейтингии байналмилалии «Standard & Poor’s» дархост карда шуд, ки дурнамои худро нисбат ба Ҷумҳурии Тоҷикистон вобаста ба устувор гардидани рушди иқтисоди миллӣ дар давраи миёнамуҳлат баланд бардорад. Ин дархост аз ҷониби Агентӣ хуб пазируфта шуд.
АКС: Вазорати рушди иқтисод ва савдои Ҷумҳурии Тоҷикистон
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
Дурнамои ҳамкорӣ байни Тоҷикистон ва Қатар дар соҳаи саноат баррасӣ гардид
