Ҷаласаи чоруми Комиссияи Тоҷикистон ва Чин оид ба ҳамкории илмӣ ва техникӣ баргузор гардид
ДУШАНБЕ, 22.08.2025 /АМИТ «Ховар»/. 21 июл дар шаҳри Душанбе ҷаласаи чоруми Комиссияи Тоҷикистон ва Чин оид ба ҳамкории илмӣ ва техникӣ доир гардид, хабар медиҳад АМИТ «Ховар» бо истинод ба Академияи миллии илмҳои Тоҷикистон.
Дар ҷаласа президенти Академияи миллии илмҳои Тоҷикистон Қобилҷон Хушвахтзода иброз дошт, ки мулоқоти имрӯза на танҳо идомаи ҳамкории судманди мо, балки қадами муҳим дар самти таҳкими шарикии стратегии Тоҷикистон ва Ҷумҳурии Мардумии Чин дар соҳаи илм, технология ва инноватсия мебошад. Дар солҳои барқарории муносибатҳои дипломатӣ беш аз 200 созишномаи байнисоҳавӣ ба имзо расид, ки ҷанбаҳои гуногуни муносибатҳои дуҷонибаи Тоҷикистону Чин, аз ҷумла дар соҳаи илму техникаро дар бар мегиранд.
Иброз гардид, ки Ёддошти тафоҳум байни Академияи миллии илмҳои Тоҷикистон ва Вазорати илм ва технологияи Чин, ки соли 2017 ба имзо расида буд, инчунин протоколҳои ҷаласаҳои комиссияи байниидоравӣ, ки заминаи қолаби шарикии устувор ва системавиро гузоштанд, барои рушди минбаъдаи ҳамкорӣ аҳамияти хосса доштанд.
Академияи миллии илмҳои Тоҷикистон ҳамчун мақоми пешбари ҳамоҳангсози соҳаи илм сиёсати давлатиро дар соҳаи илм ва техника тибқи стратегия ва барномаҳои дарозмуддат амалӣ менамояд. То имрӯз дар ҷумҳурӣ зиёда аз 20 самти афзалиятноки илмӣ, аз ҷумла идоракунии устувори табиат ва ҳифзи муҳити зист, биотехнология ва фармасевтика, амнияти энергетикӣ ва захираҳои об, табдили рақамӣ, аз ҷумла зеҳни сунъӣ ва технологияҳои геоинформатсионӣ, нигаҳдории тандурустӣ ва таҳқиқоти биотиббӣ муайян карда шудааст.
Муовини Вазири илм ва технологияҳои Ҷумҳурии Мардумии Чин Чен Ҷиачанг аз ҳамкории илмии вусъатбахши муассисаҳои илмии Тоҷикистон ва Чин изҳори қаноатмандӣ намуда, доир ба дурнамои рушди ҳамкории илмӣ дар оянда андешаҳои худро баён намуд. Чен Ҷиачанг иброз дошт, ки мо бояд ҳамкории худро дар сатҳи сифатан нав ба роҳ монда, дар самти илмҳои дақиқ ва риёзӣ иқдоми наҷибро амалӣ намоем, то дар ин самт ба дастовардҳои арзишманд ноил гардем.
Иштирокдорони ҷаласа доир ба самтҳои афзалиятноки соҳаи илм фикру андешаҳои худро баён доштанд.
Дар анҷоми ҷаласа байни Академияи миллии илмҳои Тоҷикистон ва Вазорати илм ва технологияи Чин Ёддошти тафоҳуми нав ба имзо расонида шуд.
АКС: Академияи миллии илмҳои Тоҷикистон
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
