Байни Тоҷикистон ва Муғулистон дар соҳаи кишоварзӣ Ёддошти тафоҳум ба имзо расид
ДУШАНБЕ, 24.07.2025 /АМИТ «Ховар»/. 24 июл дар доираи сафари давлатии Президенти Муғулистон Ухнаагийн Хурэлсух ба Ҷумҳурии Тоҷикистон ва пас аз мулоқоту музокироти сатҳи олӣ байни Вазорати кишоварзии Ҷумҳурии Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум оид ба ҳамкорӣ дар соҳаи кишоварзӣ ба имзо расид.
Тавре аз Вазорати кишоварзии Ҷумҳурии Тоҷикистон ба АМИТ «Ховар» хабар доданд, ҷонибҳо дар доираи Ёддошти тафоҳум ҳамкориро дар самти растанипарварӣ, чорводорӣ, механиконии истеҳсолоти кишоварзӣ, истеҳсоли тухмӣ, татбиқи технологияи инноватсионӣ дар соҳаи кишоварзӣ, ҳимояи растанӣ аз касалию зараррасонҳо, мелиоратсияи замин, банақшагирии истифодаи замин, таҳқиқоти хок ва системаи обёрӣ, фаъолияти илмӣ-таҳқиқотӣ, омода намудани мутахассисони соҳаи кишоварзӣ, назорати фитосанитарӣ ва байторӣ густариш медиҳанд.
Инчунин ҷонибҳо ҳамкории илмӣ-техникӣ ва иқтисодиро дар соҳаи кишоварзӣ таҳким мебахшанд.
Дар доираи ин Ёддошти тафоҳум Тоҷикистон ва Муғулистон дар самти татбиқи технологияҳои нав дар истеҳсоли маҳсулоти чорводорӣ ва растанипарварӣ, дастгирии корхонаҳои муштарак, инчунин ташкили намоишгоҳҳо, давраҳои омӯзишӣ, конфронс ва симпозиумҳо ҳамкорӣ менамоянд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар Тоҷикистон нахустин маротиба Форуми байналмилалии саноати ангишт доир мегардад
Дар Шаҳринав нақшаи ҷамъоварии пахта 187,4 фоиз иҷро шуд
Дар ноҳияи Ҷалолиддини Балхӣ кишти тиромоҳӣ идома дорад
Дар Тоҷикистон Барномаи савдои электронӣ ба бахши муҳими иқтисодиёт табдил ёфтааст
«Муждаи зафар». Дар ноҳияи Ёвон дурнамои истеҳсоли пахта барзиёд иҷро гардид
Дар даврони соҳибистиқлолии Тоҷикистон ба соҳаи энергетика 30 миллиард сомонӣ равона гардид
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст
Дар Душанбе масъалаи тақвияти рақамикунонии давлатӣ баррасӣ гардид
Намояндагони Тоҷикистон дар Симпозиуми Созмони ҷаҳонии гумрук дар Брюссел иштирок намуданд
Ширкати ҳавопаймоии Shohin Airlines парвозҳои мунтазами дохилиро ба чор шаҳри Тоҷикистон оғоз менамояд
