Басти дуюми истироҳатгоҳи «Файзи истиқлол» дар ноҳияи Варзоб оғоз гардид
ДУШАНБЕ, 02.07.2025 /АМИТ «Ховар»/. 30 июн басти дуюми истироҳатгоҳи беруназшаҳрии «Файзи истиқлол», воқеъ дар ноҳияи Варзоб оғоз гардид, ки дар он 455 нафар наврасон ба истироҳат фаро гирифта шуданд. Дар ин хусус ба хабарнигори АМИТ «Ховар» директори истироҳатгоҳи тобистонаи «Файзи Истиқлол» Бахтиёр Расулов иттилоъ дод.
Истироҳатгоҳ бо таҷҳизоти замонавӣ ҷиҳозонида шуда, кӯдакону наврасон дар ин ҷо ҳар рӯз ба бозиҳои гуногуни шавқовари варзишӣ машғул мешаванд. Мураббиён кӯдакону наврасонро дар руҳияи арҷгузорӣ ба илму маърифат, худшиносию худогоҳӣ ва ватандӯстию ватанпарастӣ тарбия менамоянд, то ки онҳо ворисони ҳақиқии ин давлату миллат буданашонро ботинан эҳсос намоянд.
Бояд гуфт, ки иқдомҳои пайвастаи Пешвои миллат муҳтарам Эмомалӣ Раҳмон ба таъмини ҳаёти осоиштаи кӯдакон ва риояи ҳуқуқу озодиҳои онҳо, дар руҳияи меҳру муҳаббат ба Ватан ва ҳамчун насли солиму созанда тарбия намудани кӯдакон равона гардидааст.
«Дар натиҷаи ин саъю талошҳо, ҳаёти кӯдакони мамлакат сол аз сол беҳтару рангинтар гардида, ҳамасола дар мавсими тобистон барои истироҳати бофароғати онҳо шароити мусоид фароҳам мегардад»,-изҳор дошт Баҳтиёр Расулов.
Омӯзгороне, ки дар ин истироҳатгоҳ масъул ҳастанд вобаста ба масъалаҳои пешгирии ҳуқуқвайронкунӣ дар байни наврасон, бемориҳои сироятӣ, бехатарӣ аз сӯхтор, тарбияи ватандӯстӣ, интизом ва эҳтиром ба арзишҳои миллӣ дар байни наврасон ва кӯдакон вохӯрию суҳбатҳо ташкил менамоянд.
Ҳамчунин барои истироҳати бофароғати кӯдакону наврасон озмунҳои «Аниси кунҷи танҳоӣ китоб аст», «Тоҷикистон – Ватани азизи ман», чорабиниҳои гуногуни фарҳангӣ, варзишӣ ва сайру сайёҳат гузаронида мешавад.
«Дар истироҳатгоҳ кӯдакон субҳро соати 6:30 бо машқҳои пагоҳӣ оғоз намуда, соати 7:30 субҳона мехӯранд. Сипас ба шоҳмот, футбол, волейбол ва дигар бозиҳои варзишӣ машғул мешаванд. Дар ин ҷо ҳавзҳо мавҷуданд, ки дар онҳо истироҳаткунандагон оббозӣ карда, обутоб меёбанд. Расо соати 21:30 ҳама ба хоб мераванд, то саҳар бо қувваи нав ба машқҳои пагоҳирӯзӣ бархезанд. Кӯдакону наврасон дар ҳар як баст 12 рӯзи истироҳату фароғат менамоям»,- афзуд Бахтиёр Расулов.
АКС: Истироҳатгоҳи «Файзи Истиқлол»
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
