Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
ДУШАНБЕ, 04.07.2025. АМИТ «Ховар»/. Бо ташаббуси Мақомоти иҷроияи ҳокимияти давлатии шаҳри Душанбе ва Барномаи рушди Созмони Милали Муттаҳид бо дастгирии молиявии Ҳукумати Ҷопон машварати ифтитоҳии лоиҳаи минтақавии «Тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ» баргузор шуд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Душанбе хабар доданд.
Машварат ҳамчун як платформаи муҳими стратегӣ барои муаррифии ҳадафҳо ва равиши татбиқи лоиҳаи минтақавӣ ба ҷонибҳои асосии манфиатдор дар шаҳри Душанбе хизмат мекунад.
Иштирокчиён раванди таҳияи барномаи нави рушди иҷтимоию иқтисодии шаҳри Душанберо баррасӣ намуданд. Дар он ба ҳамгироии ҷанбаҳои марбут ба иқлим ва хатари офатҳо дар тарҳрезии шаҳр аҳамияти махсус дода шуд.
Ин чорабинӣ инчунин имконият фароҳам меорад, ки байни мақомотҳои шаҳрӣ, мутахассисони техникӣ ва шарикони рушд муколамаи созанда амалӣ шавад. Дар рафти муҳокимаҳо ва муаррифиҳои техникӣ, иштирокчиён роҳҳои амалиро ҷиҳати таъмини устуворӣ ва амнияти рушди шаҳрӣ таҳлил намуданд.
Ҳамчунин, аҳамияти ҳамкории бисёрҷониба ва шарикӣ дар сатҳи минтақавӣ барои мубодилаи таҷриба ва пешбурди чораҳои ҳамоҳангшудаи устувории шаҳрҳо таъкид карда шуд.
Қисматҳои калидии машварат муаррифии афзалиятҳои рушди иҷтимоию иқтисодии Душанбе, шарҳи лоиҳаи минтақавӣ ва кӯмак ба шаҳрҳои мақсаднок, инчунин муҳокимаи моделҳои ҳамкории муассир барои рушди устувори шаҳриро дар бар гирифт. Дар ҷаласаи гурӯҳи кории махсус, нақшаи амал ва методологияи ҳамгироии коҳиши хатарҳои офат ва иқлим (СОКВ) ба барномаи нави рушди иҷтимоӣ-иқтисодии шаҳри Душанбе муҳокима гардид .
Дар анҷоми машварат, иштирокчиён харитаи амалҳо, барои ҳамгироии коҳиши хатарҳои офат ва иқлим дар раванди барномарезии шаҳрии Душанбе тасдиқ намуда, механизмҳои ҳамкориро байни сохторҳои шаҳрдорӣ ва гурӯҳи лоиҳа таъсис дода, замина барои мубодилаи дониш дар минтақаи Осиёи Марказӣ фароҳам оваранд.
АКС: АМИТ «Ховар»
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
