Дар беш аз 500 гектар замини хоҷагиҳои ҷамоавӣ ва деҳқонии Тоҷикистон боғу токзори нав бунёд гардидааст
ДУШАНБЕ, 30.07.2025 /АМИТ «Ховар»/. Дар шамоҳаи якуми соли 2025 дар 592 гектар замини хоҷагиҳои ҷамоавӣ ва деҳқонӣ боғу токзор, аз ҷумла дар 511 гектар боғ (106 гектараш боғи интенсивӣ) ва дар 81 гектар токзори нав бунёд гардидааст. Дар ин давра инчунин 2521 гектар боғу токзори кӯҳна барқарор карда шуд. Дар ин хусус 25 июл зимни нишасти матбуотии Вазорати кишоварзии Ҷумҳурии Тоҷикистон ба хабарнигорон иттилоъ дода шуд.
Истифодаи техника ва технологияи муосири соҳа ва риояи ҳатмии қоидаҳои агротехникӣ барои рушди соҳаи боғдорӣ ва токпарварӣ дар мамлакат заминаи мусоид фароҳам оварда, дар баландшавии нишондиҳандаҳои ҳосилнокии замин, махсусан боғу токзор нақши муҳим мегузорад.
Дар ин давра дар 99 ҳазору 814 гектар коркарди байни қаторҳо ва нармкунии бехи дарахтон, дар 112 ҳазору 772 гектар башаклдарории дарахтон, дар 63 ҳазору 563 гектар яхобмонӣ ва дар 89 ҳазору 851 гектар коркарди кимиёвӣ гузаронида шуд. Ин усулҳо ба кам шудани пайдошавии организмҳои зараррасон таъсири мусбат мерасонанд.
Бо мақсади рушди соҳаи кишоварзӣ «Барномаи рушди соҳаи боғу токпарварӣ ва ситруспарварӣ дар Ҷумҳурии Тоҷикистон барои солҳои 2025-2029» қабул карда шудааст. Зимни амалӣ гардидани ин барнома майдони токзор бештар мегардад.
Ин барнома ба рушди соҳаи боғу токпарварӣ ва таъмини аҳолӣ бо маҳсулоти ғизоӣ, дастрасии корхонаҳои коркард ба ашёи хом, афзоиши иқтидори содиротӣ, коҳиш додани вобастагии бозори истеъмолӣ аз маҳсулоти воридотӣ нигаронида шудааст.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
Кишоварзони Ваҳдат имсол ҳаҷми умумии маҳсулотро ба беш аз 1 миллиарду 689 миллион сомонӣ расониданд
