Дар дарёи Ёхсу корҳои соҳилмустаҳкамкунӣ ҷараён доранд
ДУШАНБЕ, 01.07.2025. /АМИТ «Ховар»/. Бо мақсади пешгирӣ аз офатҳои табиӣ дар дарёи Ёхсу корҳои соҳилмустаҳкамкунӣ ҷараён доранд. Зеро ҳамасола бар асари боронҳои пай дар пай сатҳи об баланд шуда, ба заминҳои корами кишоварзӣ хисорот мерасонад.
Тавре роҳбари Идораи давлатии беҳдошти замин ва обёрӣ дар шаҳри Кӯлоб Файзалӣ Мирализода ба АМИТ «Ховар» иттилоъ дод, барои пешгирии хавфи офатҳои табиӣ бо истифода аз механизмҳои зарурӣ корҳои соҳилмустаҳкамкунӣ дар соҳили дарёи Ёхсу бо вусъат идома доранд.
«Ҳамасола то баланд шудани сатҳи оби дарёҳо ва омадани селҳои мавсимӣ қисматҳои осебпазирро бо гузаронидани корҳои заминӣ, гузоштани тахтасангҳо ва сохтани садду обгардонҳо аз нав барқарор менамоем»,- афзуд Файзалӣ Мирализода.
Иброз гардид, ки хоҷагиҳои кишоварзии ноҳияи Восеъ ва шаҳри Кӯлоб ҳамасола бо оби полезӣ аз ин дарё таъмин мешаванд. Аз ин рӯ, Агентии беҳдошти замин ва обёрии назди Ҳукумати Ҷумҳурии Тоҷикистон кушиш намуда истодааст, ки дар ин мавсими обёрӣ тамоми заминҳои кишоварзонро бо оби полезӣ сари вақт таъмин намоянд.
Пардохти ҳаққи истифодаи оби полезӣ аз ҷониби хоҷагиҳои деҳқонӣ беҳтар гардида истодааст, вале то ҳол хоҷагиҳое ҳастанд, ки бе шартнома ҳамкорӣ аз оби полезӣ истифода менамоянд.Ин масъала мавриди баррасӣ қарор гирифта, масъулин баҳри рафъи камбудии ҷойдошта огоҳонида шуданд.
АКС: АМИТ «Ховар»
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
Беш аз 1500 нафар аз шаҳри Душанбе дар асоси иҷрои Қонуни Тоҷикистон «Дар бораи авф» ба озодӣ баромаданд
Дар ноҳияи Шаҳринав ҷаласаи навбатии Шурои ҷамъиятии Ҷумҳурии Тоҷикистон баргузор гардид
Дар беморхонаи марказии ноҳияи Дӯстӣ шуъбаи бемориҳои сироятӣ сохта мешавад
Дар Муъминобод барои дастгирии занони ҳунарманд Маркази «Чирадаст» таъсис дода шуд
Ҷаласаи навбатии Шурои ҳамоҳангсозӣ оид ба ҳунармандии назди Ҳукумати Ҷумҳурии Тоҷикистон доир шуд
НИШАСТИ МАТБУОТӢ. Дар Тоҷикистон қарздорӣ аз пардохти нафақа вуҷуд надорад
Бартарафсозии оқибатҳои сел дар Рӯшон таҳти назорати Ҳукумати Тоҷикистон қарор дорад
Дар нимсолаи якуми соли 2026 беш аз 40 баҳси шаҳрвандон бо ширкатҳои сохтмонӣ бо роҳи созиш ҳал гардид
Тоҷикистон ва Муғулистон ҳамкориро дар соҳаи таҳсилоти техникӣ ва касбӣ тақвият мебахшанд
