Дар деҳаи Деваштичи шаҳри Панҷакент мактаби нав сохта мешавад

ДУШАНБЕ, 21.07.2025 /АМИТ «Ховар»/. Дар деҳаи Деваштичи Ҷамоати деҳоти Халифа Ҳасани шаҳри Панҷакент барои Муассисаи таҳсилоти миёнаи умумии рақами 1 бинои нав бунёд карда мешавад.

Тавре ба АМИТ «Ховар» аз Мақомоти иҷроияи маҳаллии ҳокимияти давлатии шаҳри Панҷакент иттилоъ доданд, бинои собиқи таълимгоҳ, ки имкони фарогирии беш аз 570 хонандаро аз ин деҳаи наздишаҳрӣ надошт, бо дастгирии Мақомоти иҷроияи ҳокимияти давлатии шаҳри Панҷакент, сармоягузории Бунёди миллии иҷтимоии маблағгузории Тоҷикистон ва шарикони рушд сохта мешавад.

Тибқи лоиҳа бино аз ду ошёна, 10 синфхонаи барҳаво, толори ҷамъомад, синфхонаи махсуси технологияи иттиллотӣ иборат буда, дар ду баст 480 хонандаро фаро мегирад.

Ҳоло бинокорони Ҷамъияти дорои масъулияти маҳдуди «Гулгун» бо ҷалби техникаи зарурӣ ба гузоштани таҳкурсии бино машғул ҳастанд.

АКС: Мақомоти иҷроияи маҳаллии ҳокимияти давлатии шаҳри Панҷакент