Дар Хатлон масъалаи таъсиси корхонаи саноатии батареяҳои офтобӣ баррасӣ гардид

ДУШАНБЕ, 10.07.2025. /АМИТ «Ховар»/. Ширкати «Гурӯҳи сохтмони энергетикии Чин» нақша дорад, ки дар вилояти Хатлон корхонаи саноатии батареяҳои офтобиро таъсис диҳад. Ин масъала  зимни вохӯрии Раиси вилояти Хатлон бо намояндагони ин ширкати чинӣ, ки  имрӯз доир шуд, баррасӣ гардид.

Тавре аз хадамоти матбуоти Раиси вилояти Хатлон ба АМИТ «Ховар» иттилоъ доданд,  «Гурӯҳи сохтмони энергетикии Чин»  яке аз  ширкатҳои бузурги давлатӣ аст, ки ба сохтмони иншооти энергетикӣ ва истеҳсоли таҷҳизот барои онҳо машғул буда, ҳамчунин яке аз калонтарин пудратчиён дар ҷаҳон ба шумор меравад.

Дар вохӯрӣ ҷонибҳо доир ба густариши робитаҳои корӣ бо ширкатҳои чинӣ ва таъсиси неругоҳҳои бодию офтобӣ мубодилаи афкор намуданд.

Ҳамчунин таъкид гардид, ки Чин аз иқдомоти Тоҷикистон доир ба таъмини дастрасӣ ба манбаъҳои таҷдидшавандаи неруи барқ, ба мисли гидроэнергетика ва энергияи бодию офтобӣ мудом дастгирӣ хоҳад кард.

АКС: Хадамоти матбуоти Раиси вилояти Хатлон