Дар Литсейи касбии дӯзандагии шаҳри Душанбе Маркази нави таълимию истеҳсолӣ таъсис дода мешавад
ДУШАНБЕ, 03.07.2025 /АМИТ «Ховар»/. Дар Литсейи касбии дӯзандагии шаҳри Душанбе, ки дар назди Донишгоҳи байналмилалии сайёҳӣ ва соҳибкории Тоҷикистон фаъолият менамояд, Маркази таълимию истеҳсолии дӯзандагӣ таъсис дода мешавад. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Ин иқдом бо мақсади иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки дар ҷараёни сафари корӣ ба ноҳияи Данғараи вилояти Хатлон ва иштирок дар семинар-машварат бо кишоварзони ҷумҳурӣ 24-25 майи соли 2024 баён доштанд, амалӣ мегардад.
Маркази мазкур барои фарогирии то 200 нафар хонанда дар як вақт пешбинӣ шуда, ҳадаф аз таъсиси он муҳити мусоиди таълимӣ ва истеҳсолӣ фароҳам овардан барои хонандагон ҷиҳати азхудкунии малакаҳои амалии дӯзандагӣ мебошад.
Дар ин марказ шароити муосири омӯзиш ва таҷрибаомӯзӣ барои ҷавонон, инчунин заминаи боэътимод барои пайдо кардани шуғли доимӣ бо музди маоши баланд ва касбу ҳунари серталаб дар бозори меҳнат фароҳам оварда мешавад.
Назорат ва ҳамоҳангсозии бунёди Марказ зери роҳбарии ректори Донишгоҳи байналмилалии сайёҳӣ ва соҳибкории Тоҷикистон, профессор Убайдулло Асрорзода ва гурӯҳи корӣ ба роҳ монда шудааст.
Ташкили ин марказ иқдоми муҳими амалишавии бандҳои Нақшаи чорабиниҳо оид ба иҷрои дастурҳои Сарвари давлат маҳсуб ёфта, ҷиҳати рушди таҳсилоти ибтидоии касбӣ ва дастгирии ҷавонон дар омӯзиши ҳунарҳои мардумӣ равона гардидааст.
Ҳамзамон, дар доираи ин иқдом дар Литсей синфхонаҳои муҷаҳҳаз бо технологияи муосир ва устохонаҳои таълимӣ барои касбомӯзии хонандагон таъсис меёбанд. Иқдоми мазкур ба тарбияи кадрҳои соҳибкасб, таъмини бозори меҳнат бо мутахассисони кордон ва инкишофи истеҳсолоти ватанӣ мусоидат мекунад.
Бо мавриди истифода қарор гирифтани Маркази таълимию истеҳсолии дӯзандагӣ, ҷавонон имкони воқеии омӯхтани ҳунари муосир ва соҳибкасб шуданро пайдо мекунанд, ки ба рушди иҷтимоӣ ва иқтисодии мамлакат заминаи устувор мегузорад.
АКС: Донишгоҳи байналмилалии сайёҳӣ ва соҳибкории Тоҷикистон
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
