Дар мақомоти давлатӣ беш аз 18 ҳазор хизматчии давлатӣ фаъолият менамоянд
ДУШАНБЕ, 21.07.2025 /АМИТ «Ховар»/. Дар шаш моҳи аввали соли равон дар Тоҷикистон дар мақомоти давлатӣ 18 609 нафар хизматчиёни давлатии амалкунанда фаъолият намудаанд. Дар ин хусус имрӯз зимни нишасти матбуотӣ директори Агентии хизмати давлатӣ Илёс Идрисзода ба рӯзноманигорон иттилоъ дод.
Тавре Илёс Идрисзода изҳор намуд, шумораи занон дар хизмати давлатии шаҳрвандӣ дар маҷмуъ 4682 нафарро ташкил медиҳад, ки нисбат ба ҳамин давраи соли 2024 27 нафар зиёд мебошанд. Аз шумораи 6098 нафар ишғолкунандагони мансабҳои роҳбарикунанда 1159 нафарро занон ташкил медиҳанд.
Иттилоъ дода шуд, ки шумораи ҷавонони то 35-сола дар хизмати давлатӣ 9116 нафарро ташкил медиҳад. Дар мансабҳои роҳбарикунанда 1745 нафар ҷавонон фаъолият доранд, ки нисбат ба ҳамин давраи ҳисоботӣ 133 нафар зиёд мебошад.
Ҳамзамон Директори агентӣ иброз намуд, ки санҷиши ҳолати иҷрои фармони Президенти Ҷумҳурии Тоҷикистон аз 18 марти соли 2024 «Дар бораи омӯзиши забонҳои хориҷӣ» нишон дод, ки аз ҷониби масъулини баъзе мақомоти давлатии санҷидашуда даврҳои омӯзишӣ тибқи талаботи муқарраршуда гузаронида нашудаанд.
«Аз натиҷаи таҳлили вазъи иҷрои қонунгузории хизмати давлатӣ ва фармони мазкур ба шахсони масъул кумаки методӣ расонида шуда, барои бартараф намудани камбудиҳои ҷойдошта ба мақомоти давлатӣ санадҳои санҷишӣ ирсол гардиданд»,-афзуд Илёс Идрисзода.
Шаҳлои САДРИДДИН,
АМИТ «Ховар»
АКС: АМИТ «Ховар
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
