Дар Тоҷикистон Фестивали хӯрокҳои милллии Покистон баргузор мегардад
ДУШАНБЕ, 11.07.2025. /АМИТ «Ховар»/. 13 июл, соати 19:30 дар Майдони шаршараи назди «Наврӯзгоҳ»-и пойтахт Фестивали хӯрокҳои миллии Покистон баргузор мегардад. Дар ин хусус ба АМИТ «Ховар» аз Сафорати Ҷумҳурии Исломии Покистон дар Тоҷикистон хабар доданд.
Дар фестивал навъҳои гуногуни хӯрокҳои миллии покистонӣ пешниҳод мегарданд, ки сокинон ва меҳмонони пойтахт имкон доранд аз таъми лазизи онҳо баҳра баранд. Дар ин рӯз навъҳои гуногуни таомҳои бирёнӣ, самбӯса, ҳалво, лаҳмаҷун пешниҳод мешаванд. Ҳамчунин барои иштирокдорони Фестивали хӯрокҳои миллии Покистон барномаи фарҳангӣ бо пешниҳоди сурудҳои тоҷикӣ ва покистонӣ доир мешавад.
Ҳадаф аз баргузории ин фестивал шиносоии мардум бо фарҳанги ғании таомҳои покистонӣ, таҳкими робитаҳои фарҳангиву дӯстона байни ду мамлакат ва тақвияти ҳамкории фарҳангӣ мебошад.
Дар доираи ин фестивал анъана ва урфу одатҳои мардуми покистон, аз ҷумла, таому хӯришҳои миллии онҳо ба тоҷикон муаррифӣ мегардад. Таомҳои миллии покистонӣ таърихи куҳан доранд. Анъанаи таомҳои миллиашон бо зарфиятҳои хоси худ фарқ мекунад.
Иттилоъ дода шуд, ки ин фестивал бо ташаббуси Сафорати Ҷумҳурии Исломии Покистон дар Ҷумҳурии Тоҷикистон ва дар ҳамкорӣ бо Вазорати фарҳанги Ҷумҳурии Тоҷикистон баргузор мегардад.
АКС: Сафорати Ҷумҳурии Исломии Покистон дар Тоҷикистон
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
