Дар Тоҷикистон лоиҳаи «Дастрасӣ ба бозор ва мутобиқшавӣ барои чорводорӣ» амалӣ карда мешавад
ДУШАНБЕ, 02.07.2025. /АМИТ «Ховар»/. Имсол Фонди байналмиалии рушди кишоварзӣ (ИФАД) дар Тоҷикистон таҳияи тарҳи лоиҳаи «Дастрасӣ ба бозор ва мутобиқшавӣ барои чорводорӣ»-ро ба анҷом мерасонад. Дар ин хусус 30 июн, зимни вохӯрии Вазири кишоварзии Ҷумҳурии Тоҷикистон Қурбон Ҳакимзода бо ноиби Президенти Фонди байналмиалии рушди кишоварзӣ Жерардин Мукешимана иттилоъ дода шуд.
Тавре аз Вазорати кишоварзии Ҷумҳурии Тоҷикистон ба АМИТ «Ховар» хабар доданд, вохӯрӣ дар ҳошияи 44-умин Конфронси Созмони озуқаворӣ ва кишоварзии Созмони Милали Муттаҳид доир шуд.
Дар мулоқот ҷонибҳо масъалаҳои устувории лоиҳаҳои баанҷомрасидаи Фонди байналмиалии рушди кишоварзӣ дар Тоҷикистон ва саҳми онҳо дар баланд бардоштани сатҳи некуаҳволии мардуми ноҳияҳои пилотӣ ва рафти татбиқи лоиҳаҳо мубодилаи афкор намуданд.
Ҳамчунин ҷонибҳо доир ба таҳияи тарҳи лоиҳаи нави Фонди байналмиалии рушди кишоварзӣ лоиҳаи «Барномаи кишварии стратегии Фонди байналмиалии рушди кишоварзӣ барои Ҷумҳурии Тоҷикистон дар давраи солҳои 2026-2030» ва тарҳи лоиҳаи «Дастрасӣ ба бозор ва мутобиқшавӣ барои чорводорӣ»-ро баррасӣ намуданд.
Дар ҷараёни вохӯрӣ доир ба соҳаи моҳипарварӣ дар Тоҷикистон, баланд бардоштани таъмини физиологии аҳолӣ бо гӯшти моҳӣ, инчунин рушди иқтидори содиротии ин соҳа ва маблағгузории лоиҳаи нав дар самти моҳипарварӣ мубодилаи афкор намуданд.
АКС: Вазорати кишоварзии Ҷумҳурии Тоҷикистон
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
