Донишгоҳи байналмилалии сайёҳӣ ва соҳибкории Тоҷикистон ҳамкориро бо Бунёди Ҳаннс Зайдел тақвият медиҳад
ДУШАНБЕ, 31.07.2025 /АМИТ «Ховар»/. Тавсеаи ҳамкории Донишгоҳи байналмилалии сайёҳӣ ва соҳибкории Тоҷикистон бо Бунёди Ҳаннс Зайдел дар мулоқоти Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода ва Директори минтақавии Бунёди Ҳаннс Зайдел оид ба кишварҳои Осиёи Марказӣ Константин Блашке дар Душанбе баррасӣ гардид.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки зимни мулоқот ҷонибҳо доир ба масъалаҳои муҳими ҳамкорӣ, татбиқи лоиҳаҳои муштарак ва ташкили чорабиниҳои илмию омӯзишии муштарак табодули афкор намуданд. Таваҷҷуҳи махсус ба имконияти ҷалби донишҷӯён ва мутахассисони ҷавон ба барномаҳои стипендиявии Бунёд дар самти идоракунии давлатӣ, худидоракунии маҳаллӣ ва таҳкими ҷомеаи шаҳрвандӣ равона карда шуд.
Ректори Донишгоҳи байналмилалии сайёҳӣ ва соҳибкории Тоҷикистон омодагии худро барои таҳкими ҳамкории судманд бо Бунёди Ҳаннс Зайдел, аз ҷумла дар самти такмили ихтисоси ҳайати профессорону омӯзгорон ва муҳайё сохтани шароит барои таҳсили донишҷӯёну магистрантон дар хориҷи маммлакат иброз намуд.
Дар анҷоми мулоқот ҷонибҳо барои таҳкими минбаъдаи ҳамкорӣ, аз ҷумла ташкили конфронсҳо, форумҳо, мизҳои мудаввар ва дигар чорабиниҳои илмии муштарак, инчунин рушди барномаҳои табодули академӣ ба мувофиқа расиданд.
АКС: Донишгоҳи байналмилалии сайёҳӣ ва соҳибкории Тоҷикистон
Намояндагони Тоҷикистон дар Машварати байналмилалии «Забони чинӣ + малакаҳои касбӣ» иштирок намуданд
Дар ноҳияи Муъминобод фарогирии кӯдакон ба муассисаҳои таҳсилоти томактабӣ бештар мегардад
Дар Вазорати маориф ва илм бахшида ба Рӯзи Ваҳдати миллӣ ҳамоиши илмӣ-назариявӣ доир гардид
Ассотсиатсияи миллии сайёҳии Тоҷикистон таъсис дода шуд
Маркази барномаҳои байналмилалӣ қабули ҳуҷҷатҳоро ба муассисаҳои ноҳияи мухтори Шинҷон-Уйғури Чин оғоз намуд
Рушди илму маориф дар сиёсати иҷтимоии Ҳукумати Тоҷикистон мавқеи меҳварӣ дорад
Байни Донишкадаи ҷумҳуриявии такмили ихтисос ва бозомӯзии кормандони соҳаи маориф ва IREX Ёддошти тафоҳум ба имзо расид
ММТ: «Дар 22 шаҳру ноҳия барои омода намудани кормандони муваққатии марказҳои имтиҳонӣ машварат доир мешавад»
Донишгоҳи техникии Тоҷикистон ҳамчун муассисаи пешсаф дар нашрияи байналмилалии «Asia Education Review» муаррифӣ гардид
Хонандагони муассисаҳои таълимии ноҳияи Абдураҳмони Ҷомӣ дар олимпиадаҳои фаннӣ соҳиби 46 ҷойи ифтихорӣ гардиданд
Дар Душанбе ғолибони даври шаҳрии Озмуни ҷумҳуриявии «Омӯзгори сол-2026» муайян гардиданд
Дар назди Муассисаи таҳсилоти миёнаи умумии деҳаи Хумгарони Панҷакент чор синфхонаи иловагӣ сохта мешавад
