Донишгоҳи техникии Тоҷикистон бо Чин дар самти коркарди партовҳо ва ҳифзи захираҳои табиӣ лоиҳаи муштаракро амалӣ менамояд
ДУШАНБЕ, 25.07.2025 /АМИТ «Ховар»/. Дар доираи густариши ҳамкории байналмилалӣ ва фаъолияти илмӣ-таҳқиқотии Донишгоҳи техникии Тоҷикистон ба номи академик Муҳаммад Осимӣ лоиҳаи муштараки илмӣ бо Институти ҳифзи захираҳои хок ва оби Академияи илмҳои Ҷумҳурии Мардумии Чин ва Вазорати захираҳои оби Ҷумҳурии Мардумии Чин оғоз гардид. Дар ин хусус ректори Донишгоҳи техникӣ Қудрат Давлатзода 23 июл зимни нишасти матбуотӣ ибрози назар намуд.
Ба иттилои Қудрат Давлатзода, ин лоиҳа ба масъалаҳои мубрами рӯз — коркарди партовҳо, пешгирии эрозияи хок ва истифодаи самараноки захираҳои хок ва об дар шароити тағйирёбии иқлим ва таъсири фаъолияти инсон равона гардидааст. Устодони кафедраи «Бехатарии фаъолияти инсон ва экология» дар ҳамкорӣ бо мутахассисони Чин лоиҳаи инноватсионие таҳия намудаанд, ки дар доираи он на танҳо гузаронидани таҳқиқоти муштараки илмӣ, балки муҷаҳҳазгардонии озмоишгоҳҳои донишгоҳ бо таҷҳизоти муосир низ ба нақша гирифта шудааст.
Лоиҳа истифодаи усулҳо ва воситаҳои муосири мониторинг, аз ҷумла дронҳои таълимиро, ки имкони мушоҳидаи дақиқи манбаъҳои ифлосшавии муҳити зистро фароҳам месозанд, дар бар мегирад. Бар асоси маълумот, стратегияҳои нав барои кам кардани партовҳо ва коркарди дубора таҳия ва татбиқ хоҳанд шуд.
«Ин ҳамкории илмӣ бо яке аз муассисаҳои бонуфузи илмии Чин қадами муҳим дар рушди иқтидори таҳқиқотии донишгоҳ, ҷалби технологияҳои инноватсионӣ ва омӯзиши таҷрибаи пешрафта дар самти ҳифзи муҳити зист маҳсуб мешавад»,-гуфт ректори донишгоҳ.
АКС: АМИТ «Ховар»
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Маҷлиси Ҳукумати Ҷумҳурии Тоҷикистон баргузор гардид
