Имсол ба Вилояти Мухтори Кӯҳистони Бадахшон беш аз 17 ҳазор сайёҳ ворид гардидааст
ДУШАНБЕ, 19.07.2025 /АМИТ «Ховар»/. Дар шаш моҳи соли равон 17 ҳазору 921 нафар сайёҳ ба Вилояти Мухтори Кӯҳистони Бадахшон ворид гардида, бо маконҳои таърихиву фарҳангӣ, сайёҳӣ ва чашмаҳои шифобахши он шинос гардиданд. Дар ин хусус ба АМИТ «Ховар» аз Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд.
Вилояти Мухтори Кӯҳистони Бадахшон бо сабзазорҳои алпӣ, биёбонҳои баландкӯҳ, водиҳои зебо, дарёҳои тезҷараён, кӯлҳои мусаффо ва меъмории ғайримуқаррарӣ дили садҳо сайёҳонро тасхир намудааст. Табиати зебо, манзараҳои дилфиребу нотакрор, обҳои зулол, ҳавои тоза, меваҳои шаҳдбор, кӯҳҳои сарбафалаку барфпӯш, мардумони самимию меҳмоннавоз ва этнографияи беамсолаш таваҷҷуҳи сайёҳонро пайваста ба ин минтақаи сайёҳӣ ҷалб менамояд.
Тавре 28 июни соли равон Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни суханронӣ дар мулоқот бо роҳбарон ва фаъолони Вилояти Мухтори Кӯҳистони Бадахшон таъкид намуданд, вилоят яке аз минтақаҳои нотакрору дорои имконоти васеъ барои рушди сайёҳӣ дар Ҷумҳурии Тоҷикистон ба ҳисоб меравад.
Ба таъкиди Сарвари давлат, соли 2024 ба шаҳру ноҳияҳои вилоят 40 ҳазор сайёҳ омадааст, ки нисбат ба соли 2021 13 баробар бештар мебошад.
Ин нишондиҳанда афзоиши ҷиддии таваҷҷуҳи дохиливу хориҷӣ ба имконоти сайёҳии вилоятро нишон медиҳад.
Президенти Ҷумҳурии Тоҷикистон Эмомалӣ Раҳмон дар мулоқот бо фаъолони вилоят таъкид намуданд, ки рушди инфрасохтори сайёҳӣ, баланд бардоштани сифати хизматрасонӣ, ҷалби шумораи бештари сайёҳон, инчунин тақвияти шабакаҳои коммуникатсионӣ аз масъалаҳои муҳиму рӯзмарра маҳсуб шуда, дар ин самт зарур аст иҷрои тадбирҳои иловагӣ аз ҷониби роҳбарияти вилоят ва шаҳру ноҳияҳо бо ҳамоҳангии вазорату идораҳои марбута ба роҳ монда шавад.
Рушди босуботи соҳаи сайёҳӣ дар вилоят метавонад ба эҷоди ҷойи нави кор, афзоиши даромади аҳолӣ, муаррифии имконоти табиӣ ва фарҳангии мамлакат дар арсаи байналмилалӣ ва пешбурди иқтисоди «сабз» мусоидат намояд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
