Маркази миллии қонунгузорӣ 41 санади меъёрӣ-ҳуқуқиро аз экспертиза гузаронид
ДУШАНБЕ, 28.07.2025. /АМИТ «Ховар»/. Маркази миллии қонунгузории назди Президенти Ҷумҳурии Тоҷикистон дар шашмоҳаи аввали соли 2025 41 лоиҳаи санадҳои меъёрии ҳуқуқиро бо мақсади мутобиқ намудан ба Конститутсияи Ҷумҳурии Тоҷикистон ва дигар санадҳои меъёрии ҳуқуқӣ аз экспертизаи ҳуқуқӣ гузаронид, ки дар натиҷа 86 таклифи илмӣ рӯйи кор омад. Дар ин хусус имрӯз зимни нишасти матбуотӣ директори марказ Иззатулло Саидзода ба хабарнигорон иттилоъ дод.
Ба иттилои директори марказ, дар ин давра аз ҷониби таҳиякунандагон ба Феҳристи нақшаҳои таҳияи лоиҳаҳои санадҳои меъёрии ҳуқуқӣ 10 огоҳинома дар бораи омода намудани лоиҳаи санадҳои меъёрии ҳуқуқӣ, ки боиси таҳлили таъсири танзимкунӣ мегарданд, бо мақсади гузаронидани машварати оммавӣ ҷойгир карда шуд.
«Дар ин давра нисбат ба 7 огоҳинома хулоса доир ба гузаронидани машварати оммавӣ пешниҳод гардида, ба 11 лоиҳа хулосаи таҳлили таъсири танзимкунӣ пешниҳод гардид, ки 30 таклифу пешниҳодҳоро дар бар мегирад. Ҳамзамон ба 3 лоиҳаи таҳиякунандагон хулоса вобаста ба фарогир будан ба таҳлили таъсири танзимкунӣ пешниҳод карда шуд», — илова намуд Иззатулло Саидзода.
Ёдовар мешавем, ки Маркази миллии қонунгузории назди Президенти Ҷумҳурии Тоҷикистон вазифадор аст, ки оид ба мутобиқ намудани санадҳои меъёрии ҳуқуқӣ бо Конститутсияи Ҷумҳурии Тоҷикистон, қонунҳои Ҷумҳурии Тоҷикистон, санадҳои Президенти Ҷумҳурии Тоҷикистон, санадҳои ҳуқуқии байналмилалии эътирофнамудаи Ҷумҳурии Тоҷикистон пешниҳод таҳия намояд. Ҳамчунин он таҳқиқоти муқоисавию ҳуқуқии қонунгузории Ҷумҳурии Тоҷикистонро бо қонунгузории давлатҳои хориҷӣ ва санадҳои ҳуқуқии байналмилалии эътирофнамудаи Ҷумҳурии Тоҷикистон гузаронад.
Шаҳлои САДРИДДИН,
АМИТ «Ховар»,
АКС: АМИТ «Ховар»
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
