Муовини Сарвазири Тоҷикистон бо вазъи соҳаи кишоварзии ноҳияи Ёвон шинос гардид
ЁВОН, 24.07.2025. /АМИТ «Ховар»/. 23 июл муовини Сарвазири Ҷумҳурии Тоҷикистон Сулаймон Зиёзода дар ноҳияи Ёвон бо вазъи соҳаи кишоварзӣ шинос гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Ёвон иттилоъ доданд.
Дар ҷамоатҳои деҳоти ноҳия муовини Сарвазири Тоҷикистон бо ҳолати кунунии нашъунамои ниҳолҳои пахта шинос гардид. Таваҷҷуҳи асосӣ ба ҳолати нигоҳубини босифати ниҳолҳои пахта, риояи қоидаҳои агротехникаи дуруст ва истифодаи самараноки нуриҳо равона карда шуд.
Ба муовини Сарвазири мамлакат иттилоъ дода шуд, ки бо гузаронидани тадбирҳои саривақтӣ ва корбарии дуруст ҳоло ниҳолҳои пахта дар марҳилаи муътадили нашъунамо қарор дошта, корҳои сарчинкунӣ, обмонӣ, мубориза бар зидди ҳашароти зараррасон ва дигар чорабиниҳо бамаврид амалӣ шуда истодаанд. Бо мақсади баланд бардоштани ҳосилнокӣ ва самаранокии истеҳсолот тадбирҳои иловагии агротехникӣ андешида мешаванд.
Муовини Сарвазири Тоҷикистон барои таҳкими чорабиниҳои агротехникӣ, истифодаи самараноки обу нуриҳо ва тақвияти фаъолияти масъулини соҳа дастуру супоришҳои мушаххас дод. Таъкид гардид, ки бо амалӣ кардани чунин тадбирҳои саривақтӣ, масъулиятшиносӣ ва талошҳо кишоварзон метавонанд ба нишондиҳандаҳои баланди истеҳсолӣ ноил шуда, дурнамои пешбинишударо дар сатҳи зарурӣ таъмин намоянд.
АКС: Мақомоти иҷроияи ҳокимияти давлатии ноҳияи Ёвон
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
