НИШАСТИ МАТБУОТӢ. 72 донишҷӯ Донишгоҳи давлатии Бохтарро бо дипломи аъло хатм намуд
ДУШАНБЕ, 24.07.2025 /АМИТ «Ховар»/. Дар соли таҳсили 2024–2025 Донишгоҳи давлатии Бохтар ба номи Носири Хусравро 72 донишҷӯ бо дипломи аъло хатм намуд. Ин нишондиҳанда нисбат ба соли 2024 19 нафар зиёд мебошад. Дар ин хусус зимни нишасти матбуотии Донишгоҳи давлатии Бохтар изҳори назар карда шуд.
Ректори Донишгоҳи давлатии Бохтар иброз намуд, ки ҳоло 369 донишҷӯ тибқи квотаи Президенти Ҷумҳурии Тоҷикистон таҳсил менамоянд, ки 2,4 дарсади донишҷӯёни таҳсили рӯзона ва 35,9 дарсади донишҷӯёнро аз ҳисоби буҷети давлатӣ ташкил медиҳад. Ҳамзамон 6 донишҷӯ сазовори стипендияи Президенти Ҷумҳурии Тоҷикистон гардидааст.
Дар заминаи сиёсати маорифпарваронаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон соли 2025 19 олими ҷавон ва 7 донишҷӯи аълохони донишгоҳ сазовори стипендияи Раиси вилояти Хатлон гардиданд.
Дар донишгоҳ 460 донишҷӯ аз оилаҳои ниёзманд таҳсил мекунанд, ки 18 нафарашон ятими кулл, 391 нафар нимятим ва 51 нафар маъюб мебошанд. Онҳо пайваста зери таваҷҷуҳи роҳбарияти донишгоҳ қарор доранд.
Дар донишгоҳ шумораи умумии донишҷӯён ба 15 ҳазору 281 нафар мерасад. Аз ин шумора 6 ҳазору 748 донишҷӯ дар шуъбаи рӯзона, 8 ҳазору 534 донишҷӯ бо намуди таҳсили фосилавӣ ва 190 нафар дар зинаи магистратура таҳсил менамоянд.
АКС: Донишгоҳи давлатии Бохтар ба номи Носири Хусрав
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
Дар Донишгоҳи миллии Тоҷикистон маҷаллаи нави илмии байналмилалӣ «Дипломатияи тоҷик» таъсис ёфт
Ҷаласаи даҳуми вазирони маорифи давлатҳои аъзои Созмони ҳамкории Шанхай доир гардид
Дар шаҳри Душанбе масъалаи воридсозии зеҳни сунъӣ ба таҳсилоти умумӣ баррасӣ шуд
ХОНАНДАИ СОЛ. Мадина Саидализода ғолиби даври ҷумҳуриявии озмун гардид
Намояндагони Тоҷикистон дар Машварати байналмилалии «Забони чинӣ + малакаҳои касбӣ» иштирок намуданд
Дар ноҳияи Муъминобод фарогирии кӯдакон ба муассисаҳои таҳсилоти томактабӣ бештар мегардад
Дар Вазорати маориф ва илм бахшида ба Рӯзи Ваҳдати миллӣ ҳамоиши илмӣ-назариявӣ доир гардид
Маркази барномаҳои байналмилалӣ қабули ҳуҷҷатҳоро ба муассисаҳои ноҳияи мухтори Шинҷон-Уйғури Чин оғоз намуд
Рушди илму маориф дар сиёсати иҷтимоии Ҳукумати Тоҷикистон мавқеи меҳварӣ дорад
