НИШАСТИ МАТБУОТӢ. Ҳаҷми гардиши савдои хориҷии Тоҷикистон зиёда аз 4,7 миллиард долларро ташкил дод
ДУШАНБЕ, 28.07.2025 /АМИТ «Ховар»/. Дар Ҷумҳурии Тоҷикистон дар шаш моҳи якуми соли 2025 гардиши савдои хориҷӣ 4 миллиарду 731 миллиону 100 ҳазор долларро ташкил дод, ки нисбат ба ҳамин давраи соли 2024 316 миллиону 800 ҳазор доллар зиёд мебошад. Дар ин хусус имрӯз зимни нишасти матбуотӣ дар Агентии содироти назди Ҳукумати Ҷумҳурии Тоҷикистон иттилоъ дода шуд.
Дар ин давра ба хориҷи мамлакат ба маблағи зиёда аз 953,1 миллион доллар маҳсулоти ватанӣ содирот шудааст, ки нисбат ба ҳамин давраи соли 2024 255,1 миллион доллар зиёд мебошад.
Иттилоъ дода шуд, ки дар маҷмуъ аз ҷониби Корхонаи воҳиди давлатии «Тоҷагропромэкспорт»-и Агентии содирот ба хориҷи мамлакат дар ҳаҷми 60 ҳазору 600 тонна ба маблағи 77 миллиону 500 ҳазор сомонӣ маҳсулоти саноатию кишоварзӣ содирот шудааст.
Инчунин дар нишасти матбуотӣ иброз гардид, ки барои рушди соҳаи содирот то охири соли 2025 марказҳои дастгирии содирот дар Вилояти Мухтори Кӯҳистони Бадахшон ва вилояти Хатлон ба фаъолияти худ оғоз менамоянд.
Таъсиси ин марказҳо барои баланд бардоштани малакаи дониши содироткунандагон дар самти расмиёти ҳуҷҷатгузории содиротӣ ва дар сатҳи байналмилалӣ ба роҳ мондани тиҷорати содиротӣ мусоидат менамояд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Доир ба рақамикунонии минтақаҳои озоди иқтисодӣ дар шароити кишварҳои Авруосиё форуми байналмилалӣ баргузор мешавад
То соли 2030 беш аз 16 ҳазор гектар замин ба гардиши кишоварзӣ дароварда мешавад
Ҷалби ширкатҳои чинӣ барои татбиқи лоиҳаҳои энергетикии Тоҷикистон баррасӣ гардид
Муҳаммад Ҳасан Асадӣ бо фаъолият ва имконоти технологӣ ва инфрасохтории «Шаҳри ҳушманд» шинос шуд
Нақшаи қисми даромади буҷети маҳаллии шаҳри Ҳисор дар нимсолаи якуми соли 2026 сад фоиз иҷро шуд
Тоҷикистон ҳамкориро дар самти рақамикунонӣ бо Фонди Авруосиёии субот ва рушд таҳким мебахшад
Дар ноҳияи Ашт неругоҳи офтобӣ ба истифода дода мешавад
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
Пешвои миллат Эмомалӣ Раҳмон корхонаи «Ноқили Турсунзода»-ро ифтитоҳ намуданд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
