НИШАСТИ МАТБУОТӢ. Ҳаҷми истеҳсоли неруи барқ дар Тоҷикистон беш аз 8,9 миллиард кВт-соатро ташкил дод
ДУШАНБЕ, 30.07.2025 /АМИТ «Ховар»/. Дар неругоҳҳои барқи обӣ ва марказҳои барқу гармидиҳии Ҷамъияти саҳомии кушодаи «Барқи Тоҷик» соли равон ҳаҷми истеҳсоли неруи барқ дар маҷмуъ беш аз 8,9 миллиард кВт-соатро ташкил дод, ки нисбат ба ҳамин давраи соли 2024 дар ҳаҷми 944,6 миллион кВт-соат зиёд аст. Дар ин хусус 30 июл зимни нишасти матбуотӣ муовини директори генералии Ҷамъияти саҳомии кушодаи «Барқи Тоҷик» Абдулло Қурбонзода ба хабарнигорон иттилоъ дод.
Гуфта шуд, ки истеҳсоли неруи барқ дар неругоҳҳои барқи обӣ беш аз 8,3 миллиард кВт-соат ва дар марказҳои барқу гармидиҳӣ 858,9 миллион кВт-соат таъмин карда шудааст.
Бо дахли талафоти неруи барқ роҳбарияти Ҷамъияти саҳомии кушодаи «Барқи Тоҷик» иброз намуд, ки дар ин давра талафоти неруи барқ дар неругоҳҳои барқи обӣ ва марказҳои барқу гармидиҳии ҷамъият дар маҷмуъ 34,3 миллион кВт-соат ё ин ки 0,39 фоизи барқи истеҳсолшударо ташкил дод. Ин нишондиҳанда нисбат ба ҳамин давраи соли 2024 1 миллион кВт-соат ё 0,05 фоиз коҳиш ёфтааст.
Ҳамзамон дар ин давра ҳаҷми истеҳсоли неруи гармӣ дар мамлакат ба 812,6 ҳазор Гкал баробар шуд, ки нисбат ба ҳамин давраи соли 2024 дар ҳаҷми 29,7 ҳазор Гкал зиёд гардидааст.
Марзия САИДЗОДА,
АМИТ «Ховар»
АКС: АМИТ «Ховар»
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
Бахшида ба 20-солагии Донишкадаи энергетикии Тоҷикистон конфронси 3-юми байналмилалӣ баргузор шуд
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
