НИШАСТИ МАТБУОТӢ. Банаворгирии филми таърихии муштараки «Дурахши ахтарон: Ҷомӣ ва Навоӣ» моҳи август оғоз мегардад
ДУШАНБЕ, 28.07.2025 /АМИТ «Ховар»/. 1 августи соли 2025 банаворгирии филми таърихии муштараки Тоҷикистону Узбекистон «Дурахши ахтарон: Ҷомӣ ва Навоӣ» дар павилйионҳои Муассисаи давлатии «Тоҷикфилм» оғоз мегардад. Дар ин хусус имрӯз зимни нишасти матбуотӣ директори Муассисаи давлатии «Тоҷикфилм» Маҳмадсаид Шоҳиён ба хабарнигорон иттилоъ дод.
«Марҳилаи аввали банаворгирии филм моҳҳои август — сентябр дар Тоҷикистон ва марҳилаи дуюм моҳҳои октябр — ноябр дар Узбекистон баргузор мешавад. Дар назар аст, ки филм то ҷашни Наврӯзи байналмилалӣ манзури тамошобин гардонида шавад», — иброз дошт Маҳмадсаид Шоҳиён.
Зимни нишаст иттилоъ дода шуд, ки то имрӯз барои банаворгирии филм 1500 нусха китоб, 1650 дона лавозимоти гуногун, аз ҷумла шамъдош, гарданбанд, тарозу, кӯзаҳо ҷамъоварӣ ва сохта шуданд. Инчунин барои қаҳрамонони филм 750 либос, 400 ҷомаи гуногун, 300 тоқӣ ва 350 пойафзол омода карда шудааст.
Иброз гардид, ки айни замон барои иштирок ва наворгирӣ дар филми 40 ҳунарманд аз Узбакистон дар Тоҷикистон қарор доранд. Банаворгирии филм дар павилйионҳои «Тоҷикфилм» ва маконҳои таърихии ҷумҳурӣ дар назар аст.
Ёдовар мешавем, ки филми ҳунарии таърихии «Дурахши ахтарон: Ҷомӣ ва Навоӣ» бо ташаббуси Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев аз ҷониби Муассисаи давлатии «Тоҷикфилм» ва Агентии кинематографияи Ҷумҳурии Узбекистон ба навор гирифта мешавад.
Моҳинави НАВРӮЗ,
АМИТ «Ховар»
АКС: АМИТ «Ховар
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
