НИШАСТИ МАТБУОТӢ. Дар Донишгоҳи давлатии омӯзгорӣ бо мақсади омӯзиши забонҳои хориҷӣ 3 марказ бунёд гардид
ДУШАНБЕ, 22.07.2025. /АМИТ «Ховар»/. Дар Донишгоҳи давлатии омӯзгории Тоҷикистон ба номи Садриддин Айнӣ 2 маркази фарҳангӣ, аз қабили «Маркази чинӣ» ва «Маркази кореягӣ» бунёд ёфта, ҳамзамон «Маркази русӣ» таъмир шуда, пурра ба талаботи замон ҷавобгӯ ва бо технологияҳои навин муҷаҳҳаз гардонида шуд. Дар ин хусус имрӯз зимни нишасти матбуотӣ ректори донишгоҳ Аҳлиддин Ибодуллозода ба хабарнигорон иттилоъ дод.
Ин марказҳо бо мақсади ба роҳ мондани назорати ҳамаҷониба дар самти амалӣ намудани таъкидҳои пайвастаи Пешвои миллат муҳтарам Эмомалӣ Раҳмон оид ба рушди ҳамаҷонибаи забонҳои хориҷӣ, махсусан забонҳои русӣ ва англисӣ дар самти рушд ва инкишофи бисёрзабонӣ таъсис меёбанд.
Зимни нишасти матбуотӣ иттилоъ дода шуд, ки соли 2025 шартномаи дутарафаи ҳамкорӣ бо 3 муассисаи таҳсилоти олии касбии хориҷи мамлакат, аз ҷумла бо донишгоҳҳои олии Ҷумҳурии Белорус ва Ҷумҳурии Ҳиндустон дар самти барномаи табодули омӯзгорону донишҷӯён ва таҳияи барномаи таълимӣ ба имзо расид.
Дар асоси имзои ин шартномаҳо гузаронидани таҳқиқоти муштараки илмӣ, конфронсҳо, даврҳои такмили ихтисос, мубодилаи олимон, аспирантон, донишҷўёну магистрон (1:1), таҳияи маводи илмӣ, таҳияи лоиҳаи илмй, хондани маъруза аз тарафи профессорон, ҳимояи рисолаҳои номзадӣ ва докторӣ, ба даври забономӯзӣ равон кардани донишҷӯён ва омӯзгорон дар назар аст.
Бо мақсади дар амал татбиқ намудани бандҳои созишномаҳо Донишгоҳи давлатии омӯзгории Тоҷикистон табодули донишҷӯёну омӯзгорон, даврҳои такмили ихтисос барои омӯзгорони донишгоҳ ва сафарҳои хориҷӣ барои иштирок дар чорабиниҳои илмиро ташкил намуд.
Зарангези ЛАТИФ,
Тоҳири САИД (АКС),
АМИТ «Ховар»
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
