НИШАСТИ МАТБУОТӢ. Дар Донишгоҳи давлатии тиҷорати Тоҷикистон 5 неругоҳи барқи офтобӣ ба истифода дода шудааст
ДУШАНБЕ, 24.07.2025. /АМИТ «Ховар»/. Бо мақсади ташаккул ва рушди стратегияи иқтисоди «сабз» дар Донишгоҳи давлатии тиҷорати Тоҷикистон 5 неругоҳи барқи офтобӣ бо иқтидори 62 киловатт-соат сохта, ба истифода дода шудааст. Дар ин хусус имрӯз зимни нишасти матбуотӣ ректори донишгоҳ Хайрулло Назарзода ба рӯзноманигорон иттилоъ дод.
Тавре ректор иброз дошт, бо назардошти иқлими мусоиди Тоҷикистон, ки дар як сол 280-330 рӯзи офтобӣ дорад, имконияти истифодаи энергияи офтобӣ ҳамчун энергияи барқароршаванда хеле мусоид ва манфиатбахш мебошад. «Ин неругоҳҳои барқи офтобӣ дар доираи ҳамкории Донишгоҳи давлатии тиҷорати Тоҷикистон бо ширкатҳои ватанӣ ва собиқ хатмкардагони донишгоҳ сохта, ба истифода дода шуданд. Неругоҳи барқи офтобӣ ба рӯшангардонии дохил ва беруни бино, ҳамзамон чароғонкунии шабонаи кӯчаи атрофи донишгоҳ равона гардидааст»,-гуфт ректори донишгоҳ.
Иттилоъ дода шуд, ки барои таҳсили соли 2025-2026 дар донишгоҳ 4 ихтисоси нав: иқтисодиёт ва идора дар корхона, муносибатҳои байналмилалӣ, таъмини иқтисодии фаъолияти гумрукӣ ва дизайн ва графикаи компютерӣ кушода шуд.
Ба иттилои Хайрулло Назарзода, сомонаи маъруфи Осиёи Марказӣ-weprojest.media, ки беш аз 10 сол таҷрибаи муваффақ дошта, ҳамчун калонтарин медиа дар минтақа дар самти илму маориф ва имконоти нав пазируфта шудааст, рӯйхати 5 донишгоҳи беҳтарини Душанбе барои донишҷӯёни Тоҷикистонро нашр намуд. Дар ин рӯйхат, ба иттилои ректор, Донишгоҳи давлатии тиҷорати Тоҷикистон низ ҷой дорад, ки ин ифтихори донишгоҳи мо ба шумор меравад.
Ҳамзамон иброз гардид, ки дар донишгоҳ ба фарҳанг ва арзишҳои миллӣ, арҷ гузоштан ба анъанаҳои либоспӯшии миллӣ, расму оинҳои мардумӣ, баланд бардоштани манзалати либосҳои миллӣ байни омӯзгорону кормандон ва донишҷӯён таваҷҷуҳи хосса зоҳир гардида, дар ин самт даврҳои омӯзишии «Кадбону», «Гӯлдӯзӣ», «Чакан» ва «Дӯзандагӣ» ба таври ройгон ташкил шудаанд.
Шаҳлои САДРИДДИН,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
