НИШАСТИ МАТБУОТӢ. Дар Донишгоҳи давлатии тиббии Тоҷикистон 799 нафар тавассути квотаи президентӣ таҳсил менамоянд
ДУШАНБЕ, 22.07.2025 /АМИТ «Ховар»/. Дар Донишгоҳи давлатии тиббии Тоҷикистон ба номи Абӯалӣ ибни Сино 799 донишҷӯ тавассути квотаи президентӣ таҳсил менамоянд, ки аз ин шумора 400 нафарро духтарон ташкил медиҳанд. Ҳамаи ин донишҷӯён бо хобгоҳ таъмин буда, таҳти назорати доимии роҳбарияти донишгоҳ қарор доранд. Дар ин хусус ректори Донишгоҳи давлатии тиббии Тоҷикистон ба номи Абӯалӣ ибни Сино Нуриддин Муҳиддин 22 июл зимни нишасти матбуотӣ маълумот дод.
Иттилоъ дода шуд, ки теъдоди донишҷӯён нисбат ба соли таҳсили гузашта 7,5 % афзуда, аз 12 ҳазору 734 нафар ба 13 ҳазору 772 нафар расидааст. Шумораи донишҷӯдухтарон 6721 нафарро ташкил медиҳад.
«Мо кӯшиш менамоем, ки дар донишгоҳ кадрҳои баландихтисос омода намоем. Аз ин рӯ барои донишҷӯён дар донишгоҳ тамоми имконият ва шароит фароҳам оварда шудааст. Танҳо зарур аст, ки онҳо барои мутахассиси хуб шудан хонанд ва ба таври амалӣ фаъолият намоянд»,-гуфт ректори донишгоҳ.
Зимни нишаст иттилоъ дода шуд, ки соли 2025 Донишгоҳи давлатии тиббии Тоҷикистонро 1845 нафар донишҷӯёни ватанӣ ва 307 нафар донишҷӯёни хориҷӣ (аз 12 давлати ҷаҳон) хатм намуданд.
«Донишгоҳи давлатии тиббии Тоҷикистон дар баробари иҷрои нақшаи омодасозии мутахассисони соҳаи тибби ҷумҳурӣ инчунин барои давлатҳои хориҷӣ мутахассис омода менамояд. Ин аз рақобатпазир будани таҳсилоти Тоҷикистон дар сатҳи байналмилалӣ дарак медиҳад»,-иброз дошт Нуриддин Муҳиддин.
Моҳинави НАВРӮЗ,
Тоҳири САИД (АКС),
АМИТ «Ховар»
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
